Jajis 7:13 - Buka Blahi Ka Cheke Holo

¹³ Gidion ne nomhi laoni kaisei maegna Midian ne toutonu ka mae kheragna na eigna nogna mifi na. Mana ne cheke eghu, “Iara ne mifi eigna kaisei bret teke horo ka bali, bret igne phili ne soru funu ke holo jateula kaisei thina biꞌo neu ne soru ka tahati ne paꞌeni kaisei noda suga tapuale tahati, aonu naꞌa grofo pari ne thono diꞌa fara.”

Jajis 7:13 ပူးပေါင်းရင်းမြစ်များ

Ululahu Korin 1:27

Nu God vahidi iheire te theome lalase teu naiknogna nauthoglu igne mala famamajadi iheire te lalase fara. Mana vahidi iheire te theome nheta teu naiknogna nauthoglu igne mala famamajadi iheire te nheta fara.

Jajis 6:15

Nu Gidion ne cheke eghu, “Faꞌunha eghu tangomana iara te fakarhini Israel na? Ghehati ka tharaknagna Abiesa gne glaꞌe fara ka vikegna Manase. Eghuteuna iara gne fiti naikno kolho ka tharaknagu iara na.”

Jajis 4:21

Nu Sisera thono babaꞌo fara ne thuru iho. Nu Jael megei nga ne tei hata kaisei hama balugna kaisei gaju fnonu ka suga thapuale na. Eghuteuna naꞌa thoghei ne tei rhegna vido te thuru teu mana na. Eghuteuna naꞌa tuge soru gaju igne lamna ka glangi phaꞌugna mana na ne ghilei thoke pari ka glose ro. Aonu mae igne ne lehe.

Jajis 4:9

Aonu Debora ne cheke eghu, “Uve, iara ginauna age balumi ghotilo. Nu neubane uluni iagho magra na, iagho ginauna theome hata fnakno ka magra tuana. Naugna Lord ginauna lisa laoni Sisera ka khamegna kaisei naikno biꞌo.” Aonu phiamare tei ne posa namono Kedes.

Jajis 3:31

Ke leghugna Ehud, Samga thugna Anat jaola neke fakarhidi naiknodi Israel. Mana kaisei fata na neke aknu falehe namno gobi maedi Filistia ka kaisei gaju fnonu te atha mare te mala batudi buluka re.

Jajis 3:15

Nu kate tanhi mare ka Lord te mala toghodi na, Lord ne vahini Ehud thugna Gera ka vikegna Benjamin mala fakharhidi. Mae igne loku ka khame maeri. Naiknodi Israel igre ne lisei takis ka khamegna mana mala fatei ka King Eglon.

Jajis 7:12

Armigna Midian, nei armigna Amalek, nei armigna ke maghatigna namono nagou teu igre thafru ka sare biꞌo na. Mare kmana fara jateula galho eghu ne thafru vido te gnafa ka sare na. Eghuteuna nodi kamel re jateula nusu ka gratha ra eghu kmana fara theome tangomana te kahadire.

Jajis 7:14

Keha soldia na ne cheke eghu, “Nou mifi iagho igne theome eigna unha nga, nu gaoghathogna na, God ginauna snakre lao ghita tahati armigna Midian ka khamegna Gidion thugna Joas, armi komanda gna Israel!”

Jajis 8:10

King Seba ghe Salmuna baludi nodi soldia re phiamare tei ne au namono Kakoa. Ulu lahu na soldia ka armigna Midian teke jifla mei ke maghati namono nagou igre kmana fara, nu naiknodi Israel igre ne aknu falehe kaisei gobi varadaki thogha soldia. Eghume phei king igre au nabotho glima thogha soldia kolho baludi.