Jajis 7:12 - Buka Blahi Ka Cheke Holo

¹² Armigna Midian, nei armigna Amalek, nei armigna ke maghatigna namono nagou teu igre thafru ka sare biꞌo na. Mare kmana fara jateula galho eghu ne thafru vido te gnafa ka sare na. Eghuteuna nodi kamel re jateula nusu ka gratha ra eghu kmana fara theome tangomana te kahadire.

Jajis 7:12 ပူးပေါင်းရင်းမြစ်များ

Jajis 8:10

King Seba ghe Salmuna baludi nodi soldia re phiamare tei ne au namono Kakoa. Ulu lahu na soldia ka armigna Midian teke jifla mei ke maghati namono nagou igre kmana fara, nu naiknodi Israel igre ne aknu falehe kaisei gobi varadaki thogha soldia. Eghume phei king igre au nabotho glima thogha soldia kolho baludi.

Jajis 6:5

Mare mei balu nodi buluka, nei sipu, nei dongki, nei tharaknadi. Aonu naikno nei nodi kamel teu mare igre ne jateula gnata nei galho teu te theome tangomana kaisei naikno te kahadi ra neu ne thafru vido te gnafare. Vido te gnafa aheva te tei mare tagna na, mare na goigonini fara.

Jajis 6:3

Eghuteuna leuleghu fata na naiknodi Israel igre joꞌu ghedi gano, maedi Midian baludi maedi Amalek nei maedi ke maghati namono nagou teu igre, mare loku fodu ne mei magra ka naiknodi Israel.

Josua 11:4

Hatimare mae king igre nomhini nogna cheke mana igne ne mei balu nodi mae nheta. Nodi armi mae igre kmana fara jateula nusu ka gratha na are eghu mei balu nodi hose nei chariot.

Nodi Khoje Hatimare Mae Jiu 33:16

Theo kaisei armi biꞌo ba kaisei mae soldia te nheta fara te mala tapla sorudi nogna naokare ka nogna nanheta thegna te mala fakarhini nodi mae king na.

Nodi Khoje Hatimare Mae Jiu 3:1

Lord, nogu naoka iara gre kmana fara.

Ululahu Kings 4:30

Mana lalase fara salaꞌudi mae glalasedi ka kantri ke maghati nei mae glalasedi Ijep.

Jajis 6:33

Theome raugha ke leghugna igne, armigna Midian, nei armigna Amalek, nei armigna ke maghati namono nagou teu igre ne kafe mei jateula kaisei armi biꞌogna Midian neu. Eghuteuna mare ne kasa ka Khoꞌu biꞌo Jordan ne au fodu ka sare biꞌo Jesrel.

Jajis 7:13

Gidion ne nomhi laoni kaisei maegna Midian ne toutonu ka mae kheragna na eigna nogna mifi na. Mana ne cheke eghu, “Iara ne mifi eigna kaisei bret teke horo ka bali, bret igne phili ne soru funu ke holo jateula kaisei thina biꞌo neu ne soru ka tahati ne paꞌeni kaisei noda suga tapuale tahati, aonu naꞌa grofo pari ne thono diꞌa fara.”

Ululahu Samuel 30:17

Hamerane boibongi ka keha narane na, mae Devet balugna fati gobi mae igre mare tei ne magra ka mare. Eghuteuna mare magra ne ghilei rafi ka narane igne. Eghuteuna mae Devet balugna nogna mae soldia igre magra heta ne ghilei aknu falehedi ne hui maedi Amalek igre, nu fati gobi mae majaghani teke saghe ka kamel ra ngala te rikha na.

Profet Jeremaea 46:23

Uve, mare ginauna mei kato soruni armi gna Ijep, jateula mae ihei te kato soru namhata biꞌo ra eghu. Mare kmana fara jateula cheche te theome tangomana kaisei naikno te kahadira eghu.

Ululahu Samuel 13:5

Aonu mae soldia di Filistia igre ne kafe mei mala magra ka naiknodi Israel. Mare au thilo thogha chariot mala magra, eghuteuna namno thogha soldia mala chari ka hose, eghuteuna keha mae soldia langau eghu, mare kmana fara jateula nusu ka gratha ra eghu. Mare tei ne au ka namono Mikmas ke maghati Bet-Aven.

Ululahu Kings 20:27

King Ehab jaola ne kiloni nogna armi na, eghuteuna mare ne tarabana nodi gobigna lepore mala tei magra ka armi gna Siria. Aonu mare tei ne au rhegna vido te au teu armi gna Siria igne. Eghuteuna armi gna Israel na ne tei namo ka armigna Siria. Eghuteuna armi gna Israel na ikoi fara jateula phei tothoghei nanigot eghu kolho. Nu armi gna Siria igne fodu fara ka vido te gnafa ke kosi namono Afek.