Jajis 7:1 - Buka Blahi Ka Cheke Holo

^1-3 Aonu hamerane boibongi ka keha narane, Gidion balugna nogna armi na kegra haghe ne tei au rhegna glokha khoꞌu Harod. Mare au rhegna thogele Gilead. Eghuteuna armigna Midian na au ka keha phile sare biꞌo ke raru Jesrel, rhegna kaisei thogele te kiloi More. Lord ne cheke eghu ka mae Gidion, “Gidion, nou armi iagho na thono biꞌo fara, iara theome tangomana te atha te salaꞌuni armi gna Midian. Jame te uluni mare magra na, mare gaoghathodi na ne uluni magra na ka nodi nolaghi thedi. Eghuteuna mare ginauna na theome ghatho tahu ghau iara. Iagho na cheke eghu ka nou armi na, ‘Tore! Jame keha mae ka ghotilo mhaghu nodi fara, mare tangomana teke figri ka nodi namono re!’ ” Aonu, kate cheke eghu mae Gidion ka mare igne varadaki phei thogha mae neke figri ka nodi namono re. Nabotho thogha kolho te au balugna mana na.

Jajis 7:1 ပူးပေါင်းရင်းမြစ်များ

Jajis 6:32

Aonu, funu ka narane igne, Joas ne kiloni Gidion, Jerub-Baal, gaoghathogna na, “Snakreni Baal mala tafrani thegna,” naugna Gidion neke paꞌe soru nogna olta Baal tuana.

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Jenesis 12:6

mae Ebram balugna nogna vike na ne salaꞌu ne tei ne ghilei posa ka namono Sekem. Jare Sekem ka kaisei vido te kiloi More, au kaisei gaju biꞌo aheva naiknodi Kenan te mala pogho soruni nodi god na. Ka narane tuare naiknodi Kenan re la kulu auhi jare.

Josua 6:12

Hamerane boibongi ka keha narane na, mae Josua kegra haghe ne batudi mare neke tei faligohoni namono igne. Mare ne eni igne jateula teke eni mare ka narane ululahu ia neu.

Josua 3:1

Hamerane boibongi ka keha narane na, mae Josua baludi naikno te gnafadi Israel igre kegra haghe ne jifla Akesia, aonu mare ne tei au rhegna Khoꞌu biꞌo Jordan. Mare ofo neu ka vido igne mala tei kasa ka keha phile khoꞌu na.

Diutronomi 11:30

Phei thogele igre au ke kasa Khoꞌu biꞌo Jordan, ka nodi glose vikegna Kenan te au ka glogu Khoꞌu biꞌo Jordan. Phei thogele igre au rhegna nabrou te mala tei salaꞌu ke mosu gaju blahi More, rhegna namono Gilgal.

Jenesis 22:3

Hamerane boibongi mae Ebraham kegra haghe ne tarabana nogna dongki na, aonu mana ne hata mae Isak nei phei mae gloku eghu balugna. Mana ne uge keha gaju te mala gahugna u fafara na, eghuteuna hatimare ne tei ka vido aheva teke chekeni God ka mae Ebraham na.

Jajis 6:40

Aonu ka bongi igne, God ne eni jateula unha te toreni mana na neu. Guli sipu igne ne moja, nu vido te gnafa te lithui na thofno bothu.

Jajis 8:29

Ke leghugna tela gnafahi magra na, mae Gidion, keha nanghagna mae Gidion na Jerub-Baal, mana neke pulo ka nogna namono na, mana au neu ka namono ne ghilei kuekuꞌe.

Ululahu Samuel 12:11

Aonu Lord neke kurudi mae Gidion ghe mae Bedan, eghuteuna leghu lahu na mana neke kuru ghau iara. Tuana teke eni mana teke hata fajifla ghami ghotilo ka nodi nolaghi noda naoka ra, naugna igne te au fakelini tahati agne na.

Fapea Samuel 23:25

mae Sama ghe mae Elika, phei maedi ka namono Harod;

Nodi Khoje Hatimare Mae Jiu 83:9

Tapla faparidi sagho, eigna iagho neke tapla faparidihi naiknodi Midian tifara, nei iagho neke jaola neke roꞌedi mae Sisera ghe Jabin ka khoꞌu biꞌo Kison.

Jajis 6:33

Theome raugha ke leghugna igne, armigna Midian, nei armigna Amalek, nei armigna ke maghati namono nagou teu igre ne kafe mei jateula kaisei armi biꞌogna Midian neu. Eghuteuna mare ne kasa ka Khoꞌu biꞌo Jordan ne au fodu ka sare biꞌo Jesrel.

Ululahu Samuel 29:1

Aonu armi gna Filistia ne loku fodu ka namono Afek, eghuteuna hatimare mae Israel ne mei lisei haghe nodi suga tapuale rhegna glokha khoꞌu Jesrel.