Jajis 6:8 - Buka Blahi Ka Cheke Holo

⁸ Eghume, Lord ne kuruni kaisei profet mala chekeni nogna cheke na. Profet igne ne cheke eghu, “Igne nogna cheke Lord nodi God maedi Israel. Mana neke cheke eghu: Kani teke sneka Ijep kuꞌeda tifa ra, iara thegu ngala teke hata fajifladire.

Jajis 6:8 ပူးပေါင်းရင်းမြစ်များ

Jajis 6:7

Naiknodi Israel igre ne tanhi lao ka Lord mala toghodi, naugna vikegna Midian igne hata nodi gobigna lepo maedi Israel igre.

Jajis 6:9

Uve, iara neke batudi kuꞌeda ra mala jifla Ijep. Eghuteuna ke leghu na, iara jaola neke toghodi mare kani teke magra ka ghotilo naiknodi Kenan. Iara neke ngolhi fajifladi nomi naoka ghotilo ra neke tusu ari nodi glose mare ra ka ghotilo.

Ululahu Samuel 10:18

Mae Samuel ne cheke eghu ka mare, “Lord noda God tahati maeda Israel, mana ne cheke eghu: kani au teku kuꞌemi ghotilo Ijep tifa ra, iara neke fakarhidi mare. Iara neke atha fajifladi mare ka nodi nolaghi naiknodi Ijep, nei ka nodi nolaghi keha naikno teke jaola teke gonidi mare ra.

Eksodas 13:3

Mae Moses ne cheke eghu ka naiknore, “Thosei ghatho ihoni narane igne ghotilo ia, eigna ka narane igne na Lord neke atha fajifla ghita tahati ka nogna nolaghi te biꞌo na kani au sosolo teku tahati Ijep tifa na. Eghume ka narane te ghathoni tahati igne na ghotilo thosei ima bret te au isi tagna na.

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Fapea Kings 17:13

Lord neke kuru fajifladi nogna mae profet mala tei cheke eghu ranghidi naiknodi Israel nei Juda, “Ghotilo lilisei puhimi te diꞌa re, eghuteuna leghuni nogu cheke iara te au ka nogu vetula iara teke tusu lao iara ka kuꞌemi ghotilo tifa ra, eghuteuna nogu mae gloku iara hatimare mae profet ra neke mei toutonuhi ka ghotilo.”

Nodi Khoje Hatimare Mae Jiu 106:44

Nu kate tanhi lao mare ka mana na, mana nomhidi mare ne kokhoni nognadi, naugna mare ne au fari hotei hoholo.