Aonu Tharunga gna God na ne mei ka Pris Sekaraea thugna Pris Jehoada. Eghuteuna mana tei ne kegra ka kaisei vido aheva naiknore te tangomana te filoni mana na, aonu mana ne cheke eghu ka mare, “God ne cheke eghu, ‘Naugna unha si ghotilo te theome leghudi nogu cheke iara grea? Ghotilo ginauna na theome au ka nakarha te keli! Naugna ghotilo ne lisa koko ghau iara Lord, eghuteuna iara ginauna jaola lisa koko ghami ghotilo!’ ”
Jajis 6:34 - Buka Blahi Ka Cheke Holo34 Ka narane tuana, Tharunga gna Lord ne mei ka Gidion. Eghuteuna Gidion kegra haghe ne kufli mala kilodi vikegna Abiesa re mala mei leghuni mana mala tei magra. အခန်းကိုကြည့်ပါ။ |
Jajis 6:34
20 ပူးပေါင်းရင်းမြစ်များ
Eghuteuna tharunga gna God na ne mei ka mae Amasae mae ihei te lida ka tolufulu soldia te nheta igre ne eha eghu fabiꞌo, “Devet, thugna mae Jesi! Ghehati nou iagho gognaro na! Iagho ginauna tangomana nate uludi magra re. Iara toreni God mala tusu ranghi nigho iagho nei iheire te au balumu nogna nolaghi nei pharikeli.” Aonu mae Devet ne kelitagna fara ka mare, eghuteuna mana ne vahidi mare mala batudi tothoghei soldia teke tei blau glepo ka nodi namono mae naoka re.
Eghuteuna Tharunga gna Lord na ne mei farheta fara ka mana. Mana sukha ka namono Askelon. Eghuteuna ka namono igne, mana ne aknu falehe tolufulu mae ne hata nodi pohe mare re. Samson tei Timna ne tusu lao pohe igre ka mae iheire teke chekeni gaoghathogna grougromu igne. Mana thofno diꞌatagna fara eigna glepo igne, aonu mana neke pulo ka namonogna kmagna na.
Kaisei narane, kaisei engel funugna Lord mei ne gnokro ke parigna kaisei gaju biꞌo ka vido te kiloni mare Ofra. Mae Joas gne maegna ka vido igne eghuteuna mana vikegna mae Abiesa eghuteuna mana reireghini gaju igne. Eghuteuna Gidion thugna mae Joas igne, mana fagagae khunedi sisi flaoa mala ghamu, nu mana edi poru ke lamnagna vido mala eni waen na. Mana eni igne mala theome tangomana maedi Midian igre te mei blau gano igre.
Ke leghugna igne, mae Jonatan hata soldia balugna ne tei aknu falehe soldia di Filistia teke au ka namono Gibea. Aonu nonomho eigna igne ne tei posa ka naikno di Filistia. Aonu King Sol ne kurudi hatimare mae soldia mala tei kufli ka vido te gnafa Israel, mala kilo meidi mae te gnafa te au ka vido igre tarabana mala magra.
Kani teke loku fodu mae Devet baludi mae king di Filistia te mala tei magra ka King Sol tifa na, keha mae ka vikegna mae Manase igre magnahaghei te mei mala loku fodu ka mana. Nu king di Filistia igre ne mhaghu nodi, glahu chaghidi mae Devet na lisa laodi ka khamegna King Sol, aonu mare ne kuru fapuloni mana ka namono Siklag, mala theome eni mana kaisei glepo te mala toghodi mare na.
ကြော်ငြာတွေ