Jajis 6:31 - Buka Blahi Ka Cheke Holo

³¹ Nu Joas ne cheke eghu ka mare, “Ba, ghotilo magnahaghei te fakarhini Baal? Ghotilo magnahaghei te toghoni mana? Jame kaisei mae fariuriu toghoni Baal, mana ginauna lehe ame hamerane nga eghu. Jame te thofno god tutuani Baal na, snakreni Baal mala tafrani thegna ka mae ihei teke paꞌe soru nogna olta Baal.”

Jajis 6:31 ပူးပေါင်းရင်းမြစ်များ

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Profet Jeremaea 10:11

“Ghotilo cheke eghu ranghidi naikno bongihehe are, ‘Nomi god ghotilo are neke theome vuavuha nauthoglu ghe maloa igre, nu God mae ihei teke vuavuhadi nauthoglu ghe maloa igre ginauna goigonidi gnafa god igre mala dofidi ka nauthoglu igne.’ ”

Profet Jeremaea 10:5

Mumuju igre tharu maei kolho, jateula thotogale naikno te mala famamhaghu nanghaji ka nagare sopho ra eghu kolho. Mumuju god igre theome tangomana te cheke na nei jaola theome tangomana te nolo na. Ghotilo thosei mhaghudi, eigna mare theome tangomana te goigoni ghami ghotilo na, nei jaola theome tangomana te togho ghami ghotilo na.”

Profet Isaia 46:7

Mare hata mumuju igne ne fakegra haghe ka kaisei vido mala au fabrahu jare, naugna mumuju igne theome tangomana te nolo tafri thegna na. Nu ihei te tarai ka mumuju igne na, mumuju igne ginauna theome tangomana nate nomhini mana na, nei jaola theome tangomana nate toghoni mana ka narane te thoke mei puhi biꞌo na.

Profet Isaia 46:1

Igne leghu lahudi phei mumuju god, Bel ghe Nebo, te mala tarai naiknodi Babilonia ra. Nu phei god igre dongki kolho te pala tafridi re. Phei dongki igre, thono tahu fara, eghuteuna dongki te pala igre jaola thono babaꞌo nodi fara.

Profet Isaia 41:23

Cheke meidi unha glepo nate thoke mei thogheiro, mala laseni ghehati iagho god te tutuani na. Eni si ghotilo glepo igne! Eigna ghotilo neke famamhaghu neke fififri ghehati! Ka puhi igne te mala laseni ghehati te ghotilo god te tutuani na.

Ululahu Kings 18:40

Aonu profet Elija ne cheke eghu, “Ghotilo haru famaku nogna profet Baal are, thosei snakreni kaisei profet mala rikha!” Aonu mare ne kafe haru famakudi ne hui. Eghuteuna Elija hata mae profet igre ne soru ka Glogu Khoꞌu Kison ne kafe aknu falehe jare.

Ululahu Kings 18:29

Naublatha thongana na te ghilei thokeni vido mala fafara fei grafi na, mare eha fabiꞌo jateula naikno te noli ra neu. Nu theo kaisei cheke tughu te mei ka mare na, theo kaisei naikno te fanomho ka mare na, eghuteuna theo kaisei god te fanomho ka nodi cheke mare igre.

Ululahu Kings 18:27

Farihotei aublatha, mae Elija ne funu maꞌedi mare ne cheke eghu, “Eha fabiꞌo si ghotilo! Tutuani, mana kaisei god! Jau mana gnafau. Jau mana au ka suga ikoi. Jau mana tei au delei! Jau mana thuru ihou, eghume ghotilo tei mala fadofrani mana!”

Naba 14:6

Nu mae Josua ghe mae Caleb teke tei filoni kantri Kenan, phiamare ne diꞌa nagnafadi ne rerheku nodi pohe thedire.

Eksodas 23:2

“Kate tei ka fate na, ghotilo chekeni koba ngala unha te tutuani na, neuba naikno kmana ne kafe phile ka unha te diꞌa na, ghotilo kegra maku ngala ka unha te tutuani na.

Jajis 6:30

Aonu maegna ka namono igne ne diꞌa tadi fara, ne cheke eghu ka mae Joas, “Iagho hata mei thumu na mala aknu falehe ghehati! Mana ne paꞌe soru nogna olta Baal nei kato soru nogna khegra blahi Astarot.”

Jajis 6:32

Aonu, funu ka narane igne, Joas ne kiloni Gidion, Jerub-Baal, gaoghathogna na, “Snakreni Baal mala tafrani thegna,” naugna Gidion neke paꞌe soru nogna olta Baal tuana.

Ululahu Samuel 12:11

Aonu Lord neke kurudi mae Gidion ghe mae Bedan, eghuteuna leghu lahu na mana neke kuru ghau iara. Tuana teke eni mana teke hata fajifla ghami ghotilo ka nodi nolaghi noda naoka ra, naugna igne te au fakelini tahati agne na.