Jajis 6:27 - Buka Blahi Ka Cheke Holo

²⁷ Aonu Gidion ne vahidi nabotho mae gloku mala toghoni mana leghuni unha teke chekeni Lord. Nu mare ne theome eni glepo igne narane ro, nu mare tei ne eni kolho bongiro, naugna mana mhaghudi fara tharaknagna na, nei naikno ka namono na.

Jajis 6:27 ပူးပေါင်းရင်းမြစ်များ

Ululahu Tesalonika 2:4

Nu God neke fariuriu nei fatutuani ghami ghehati te mala toutonuni Nonomho te Keli gne. Kate toutonuni Nonomho te Keli na ghehati theome fariuriu mala keli tadi naiknore. Theo. Ghehati fariuriu mala keli tagna God, mae ihei te fariuriudi nagnafadare.

Jone 2:5

Aonu, idogna mae Jisas na tei ne cheke eghu ka mae glokure, “Eni unha te chekeni mana ka ghotilo na.”

Diutronomi 4:1

Mae Moses neke cheke eghu, “Ghotilo naiknomi Israel ra fanomho fakeli ka cheke nei vetula eghu nate farirhiu ghami iara igre. Eghuteuna jame te leghudi ghotilo cheke nei vetula teu igre na, Lord nodi God kuꞌemi ghotilo tifa ra mana ginauna fakarhi ghami, eghuteuna ghotilo ginauna tangomana nate tei te hata glose tarabana teu te mala tusu ari ka ghotilo.

Galesia 1:16

toutonu iara u Nonomho te Keli eigna mae Thugna God ka naikno te theome Jiure. Tutuani fara God ne falalase ka iara mae thofno Thugna na. Kate kilo ghau God na, iara neke theome hata farirhiu ba thotogho ka mae ihei.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Jajis 6:26

Ke leghu na, iagho famane eni fakeli kaisei nogna olta Lord ke kligna thogele te mala pogho soru ka iara. Eghuteuna iagho aknu falehe buluka igne eghuteuna kato khegra blahi igne mala gaju mala gahu buluka ke kligna olta mala fafara ka iara.”

Jajis 6:28

Kate dofra haghe naiknogna namono na ka keha narane na, mare ne filoni keha mae tela paꞌe soruhi nogna olta Baal nei nogna khegra blahi god gaꞌase Astarot. Mare jaola filoni keha olta tela gahuhi mare kaisei buluka ke kligna gna.