Jajis 6:25 - Buka Blahi Ka Cheke Holo

²⁵ Ka bongi tuana, Lord ne cheke eghu ka Gidion, “Iagho hata fapea nogna buluka nalhaꞌugna mae kmamu te fitu finoghagna igne. Eghuteuna iagho paꞌe soru olta te mala kilo fnaknoni Baal igne. Eghuteuna iagho kato soru khegra blahi te au rhegna nogna god gaꞌase Astarot.

Jajis 6:25 ပူးပေါင်းရင်းမြစ်များ

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Eksodas 34:13

Nu igne unha te mala eni ghotilo na, ghotilo paꞌe soru nodi olta are, goigoni nodi thina blahi are, eghuteuna ghotilo kato soru mumuju gna nodi god gaꞌase mare Astarot.

Mae Khuru 5:29

Nu mae Pita nei keha mae khurure ne cheke eghu ka mare, “Ghehati magnahaghei fara te leghuni chekegna God na, theome mala leghuni chekegna naikno na.

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Matiu 6:24

“Theo kaisei naikno te loku ranghidi phei mae funei na. Mana ginauna magnahagheni kaisei mae funei kolho nei tirognani keha na. Mana ginauna na ghatho tahuni kaisei mae funei kolho nei na theome ghatho tahuni keha na. Eghume iagho theome tangomana te loku ranghidi God ghe dedei gna nauthoglu igne jateula phei nou funei teuna.”

Ululahu Kings 18:21

Profet Elija kegra ke uludi naiknore ne cheke eghu, “Niha fata au tami si ghotilo phei nafnata gaoghatho igre ia? Jame Lord gne te God tutuani na, leghuni mana, nu jame Baal gne te god tutuani na, leghuni mana.” Nu naiknore ne theome ghagri kaisei cheke.

Mae Khuru 4:19

Nu mae Pita ghe mae Jone ne cheke eghu ka mare, “Ghaoghatho fakeli si ghotilo, ba, aheva nga gne te magnahagheni God na? Leghu ghami ghotilo ba leghuni God?

Nodi Khoje Hatimare Mae Jiu 101:2

Iara magnahaghe nigho fara te mei ka iara te mala leghuni iara puhimu iagho te doglo na. Gobigna lepo te edire, iara ginauna leghudi puhi te doglo ka tathamu iagho na.

Thoutonu Eigna Mae Job 22:23

Kate figri fapulo iagho ka God mae ihei au nolaghi fateote'o igne na, iagho lilisei puhi te diꞌa ka nakarhamu na, eghuteuna iagho ginauna nake keli.

Diutronomi 7:5

Eghume ghotilo mala roꞌe soru nodi olta nei mumuju thina, nei roꞌe soru mumuju gna gaꞌase god Astarot, eghuteuna ghotilo mala gnhubra nodi mumuju mare re.

Jenesis 35:2

Aonu mae Jekop ne cheke eghu ka khetogna nei thugna nei naikno eghu teke au balugna re, “Koko mumuju te tufru sorudi ghotilo are. Ghotilo apu mala gae nei pipichi pohe te majaghani eghu.

Jajis 2:11

Ka narane tuare, naiknodi Israel igre ne funu edi puhi te diꞌa ka tathagna Lord nei tarai ka god chaghi Baal.

Jajis 6:26

Ke leghu na, iagho famane eni fakeli kaisei nogna olta Lord ke kligna thogele te mala pogho soru ka iara. Eghuteuna iagho aknu falehe buluka igne eghuteuna kato khegra blahi igne mala gaju mala gahu buluka ke kligna olta mala fafara ka iara.”