Jajis 6:24 - Buka Blahi Ka Cheke Holo

²⁴ Eghuteuna Gidion ne horo kaisei olta mala tarai ka Lord ka vido igne, eghuteuna mana ne kiloni vido igne “Lord neke tusu mei pharikeli.” Eghuteuna olta igne au ngala namono Ofra ka nodi glose vikegna Abiesa.

Jajis 6:24 ပူးပေါင်းရင်းမြစ်များ

Eksodas 17:15

Kate cheke te gnafa Lord na, mae Moses ne titili kaisei olta mala fafara. Mana ne kiloni olta igne, “Lord na jateula nogu greoreo eghu iara naugna mana neke togho ghau iara neke uludi nogu naoka re.”

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Jajis 8:32

Gidion kuekuꞌe fara ne lehe. Mare giugilu mana ka vido aheva teke giugilui mare kmagna mana Joas. Vido igne jare Ofra ka nogna glose vikegna Abiesa.

Profet Esikiel 48:35

“Brahugna gringni thina te tei falithuni namono igne nheva kilomita. “Eghuteuna funu ka narane tuana, ghotilo ginauna kiloni namono igne, Lord-Sama, gaoghathogna na Lord na au jare.”

Profet Jeremaea 23:6

Ka narane te king mana igre, mana ginauna fakarhidi nogu naikno iara ka kantri Juda, eghuteuna nogu naikno iara te au Israel igre ginauna au ka pharikeli. Eghuteuna mare ginauna kiloni nanghagna mae king igne, Lord Sedekenu, gaoghathogna na, ‘Lord batu ghita tahati mala leghuni puhi te doglo na.’

Profet Jeremaea 33:16

Ka narane te funei fruni mana jateula king teu igne, mana ginauna fakarhidi nogu naikno iara te au Juda, nei Jerusalem. Eghuteuna mare ginauna kiloni nanghagna mae igne na, Lord Sedekenu. Gaoghathogna cheke igne, Mae ihei te eni unha te doglo ka nogna naiknore.’

Jajis 21:4

Hamerane boibongi ka keha narane na, mare ne kaisei olta mala gahu soasopai nafnata fafara mala ke fofodu fakeli balugna Lord.

Josua 22:10

Kate tei posa nogna soldia Ruben, nei nogna soldia Gad, nei nogna soldia vido gaga vikegna Manase teu igre Gelilot ka nohi Kenan rhegna Khoꞌu biꞌo Jordan, mare ne horo haghe kaisei olta te famane filogna na ke mosu gna khoꞌu igne.

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Jajis 6:23

Nu Lord ne cheke eghu ka mana, “Thosei mhaghu! Iagho theome tangomana te lehe na.”

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Jenesis 12:8

Aonu mae Ebram ne jifla Sekem ne tei ka kaisei thogele ke maghati rhegna namono Betel. Eghuteuna mana ne hohoro haghe nogna suga tapuale na fari hotei Betel nei namono Ai. Betel gne au ke mosu, eghuteuna Ai gne au ke maghati. Eghuteuna jare mae Ebram ne hohoro keha olta na malagna Lord ne pogho soru ranghini mana.

Jajis 8:27

Gidion ne horo kaisei glepo blahi te kiloi Efod ka gol ne lilisei ka nogna suga na namono Ofra. Theome raugha naiknodi Israel igre ne tei kokoni Lord ne tarai ka glepo blahi igne, jateula gaꞌase te tei kokoni khetogna te au balugna keha nalhaꞌui ra neu. Eghuteuna igne jateula kaisei phighoro eghu ka Gidion nei tharaknagna.

Ululahu Samuel 7:17

Nu leuleghu fata na, mana ke pulo mei Rama ka nogna namono na. Eghuteuna mana jaola fatedi puhi biꞌo te edi naiknore. Eghuteuna ka namono igne mana ne eni kaisei olta mala tufru soruni Lord.

Ululahu Samuel 14:35

Ka puhi igne King Sol ne eni kaisei nogna olta Lord ka vido tuana.

Fapea Samuel 24:25

Aonu mae Devet ne babana jare kaisei nogna olta Lord. Eghuteuna mana fafara buluka te gahu te knoro ka khaꞌaghi, nei fafara te mala au ka pharikeli balugna Lord. Aonu Lord ne cheke tughudi nodi tharai naiknore, eghuteuna theo kaisei naikno gna Israel te lehe ka fogra te thono diꞌa fara igne.

Ululahu Kings 18:32

Eghuteuna mae Elija hata nabotho phei thina igre ne babana haghe olta na ka nanghagna Lord. Aonu mana ne dokha kaisei jolohomno falithui ni olta igne. Jolohomno igne biꞌo nabagna nabotho glima lita khoꞌu te au tagna na.

Esra 3:2

Aonu pris biꞌo Jesua, thugna Jehosadak, nei keha mae pris nei mae Serubabel, thugna mae Sealtiel baludi kheragna mana re, mare neke horo fapulo nogna olta God gna Israel, mala tangomana mare teke gahu fafara tagna. Igne thofno leghuni unha te au ka nogna Vetula mae Moses, nogna mae gloku God.