Jajis 6:2 - Buka Blahi Ka Cheke Holo

² Naiknodi Midian igre rheta fara eghuteuna naiknodi Israel igre rikha ne tei ka thogelero ne tei poru ke lamna khora nei ka keha vido mala poru.

Jajis 6:2 ပူးပေါင်းရင်းမြစ်များ

Hibru 11:38

Nauthoglu igne theome keli nabadi mare! Mae fatutuani gre au tafri kolho ka namono nagou ba kau thogele, ba lamna gluma thina ba ka khora glose.

Ululahu Samuel 13:6

Aonu mare ne magra ka armi gna Israel. Eghuteuna kate haimini armigna Israel gne nate faꞌiho fara na, mare ne kafe rikha. Mare tei ne poru ke lamna gluma, nei ke lamna soro, ka thina biꞌo, ke lamna khora nei ke lamna khora seu.

Thakle 6:15

Aonu naikno te gnafa ka nauthoglu gne ne mhaghu nodi fara ne poru lamna gluma nei ke leghu thina biꞌo ke kligna thogele. Neuba hatimare mae king gna nauthoglu igne, baludi hatimare mae funei biꞌo nei hatimare mae funeidi mae armi, baludi naikno te dedei nei naikno te au nolaghi, baludi naikno te gnafa, neubane mae sneka ba theome sneka, naikno te gnafa ne poru.

Ululahu Samuel 14:11

Aonu, phiamare kegra haghe ne tei. Eghuteuna kate filodi phiamare na, mare ne cheke eghu, “Ei, filo si ghotilo! Mae Hibru la jifla mei ka gluma aheva teke poru mare tagna na.”

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Jajis 6:3

Eghuteuna leuleghu fata na naiknodi Israel igre joꞌu ghedi gano, maedi Midian baludi maedi Amalek nei maedi ke maghati namono nagou teu igre, mare loku fodu ne mei magra ka naiknodi Israel.

Profet Jeremaea 41:9

Khora khoꞌu aheva te koko soru mae Ismael thinidi mae igre thono biꞌo fara. Khora igne neke dokha mae King Asa tifa mala fodu khoꞌu kani teke mei mae king Basa gna Israel teke magra ka mana na. Nu mae Ismael neke fafodu khora khoꞌu igne ka thinidi mae te lehe.

Profet Jeremaea 48:28

Ghotilo naikno te au Moab ra, ghotilo jifla ka namonomi re mala tei horo nomi namono ke lamna gluma fari hotei thogele, jateula nanghaji ikoi te horo gnoku lamna khora thina ra eghu.

Jajis 10:8

Aonu ka finogha te lehe Jaea igne, mare mei ne thofno goigonidi naiknodi Israel te au Gilead ka nodi rijon vikegna Amoa ke maghati Khoꞌu biꞌo Jordan nabagna nabotho nhana finogha.

Jajis 10:9

Eghuteuna vikegna Amon igre jaola ne tei kasa ka Khoꞌu biꞌo Jordan mala tei magra ka vikegna Juda, nei ka vikegna Benjamin, nei ka vikegna Efrem. Naugna igne naiknodi Israel igre ne au papara fara.

Thoutonu Eigna Mae Job 30:6

Mae igre theo suga te mala au tagna na, aonu mare au tafri kolho ke lamna gluma thina ka geri jari.