Jajis 6:18 - Buka Blahi Ka Cheke Holo

¹⁸ Iara magnahaghei nigho iagho te ofo teu ghilei tei hata mei iara keha gano mala tusu ari iara ka iagho mala kilo fnakno nigho iagho.” Engel igne ne cheke eghu, “Keli fara, iara ginauna ofou.”

Jajis 6:18 ပူးပေါင်းရင်းမြစ်များ

Jajis 13:15

Manoa theome filo glani mae igne ne nogna engel Lord teuna, aonu mana ne cheke eghu, “Au balumi ghepa agne katha vido ikoi. Ghepa ginauna tei gahu kaisei sua nanigot mala ima iagho.” Engel na ne cheke eghu, “Iara na au balumi ghopa katha vido ikoi, eghuteuna neuba ghopa ne ei gano malagu iara neu, iara na theome ghamu nafnata gano igne. Nu jame te magnahaghei eni ghopa na, keliu kolho, ghopa ginauna tangomana te gahu fafara ka Lord.”

Jenesis 18:5

Iara ginauna na hata mei keha gano mala famaumaku ghu ghotilo ame ke tei nga eghu. Eigna ghotilo mei ka sugagu iara gne eghume iara magnahaghei te togho ghami ghotilo eghu.” Thilo mae igre ne cheke eghu ka mae Ebraham, “Keli fara, eni sagho unha te chekeni iagho na.”

Jenesis 18:3

Mae Ebraham ne cheke eghu ka thilo mae igre, “Thilo mae biꞌo, iara magnahaghei ghami ghotilo fara te mei ka sugagu iara nomi mae gloku ghotilo gne. Ghotilo theome tangomana te fasalaꞌuni nogu suga iara gne te tei kolho na.

Jenesis 19:3

Nu mae Lot ne toredi fara phia mare mala tei ka nogna suga na. Aonu phia mare ne leghuni mana ne tei ka nogna suga mana na. Mae Lot ne chekedi nogna mae gloku re ne kuki bret te theo isi gna na ne tarabana mala ima phia mare.

Jajis 6:17

Gidion ne cheke eghu, “Jame te tutuani iagho te Lord nate togho ghau iara na, falase mei kaisei fagaglana ka iara.

Jajis 6:19

Aonu Gidion tei ne aknu falehe kaisei sua nanigot ne kuki nafnahi na. Mana hata baeg flaoa ne kuki bret te theo isi gna. Mana ne hohono nafnahi igre ka kaisei kharaꞌo, eghuteuna lilisei susupu gna na ka kaisei suspen. Aonu mana hata ne mei gano igre ne tusu lao ka engel ke parigna gaju biꞌo na.