Jajis 6:17 - Buka Blahi Ka Cheke Holo

¹⁷ Gidion ne cheke eghu, “Jame te tutuani iagho te Lord nate togho ghau iara na, falase mei kaisei fagaglana ka iara.

Jajis 6:17 ပူးပေါင်းရင်းမြစ်များ

Profet Isaia 7:11

Iara ne cheke eghu, “King Ehas, Lord na noda God tahati, eghuteuna thofno keli fara jame te toreni mana iagho mala falalase ranghi nigho kaisei fagaglana. Mana tangomana te fakakhana kaisei fagaglana ka iagho. Mana tangomana te fakakhana fagaglana te soru mei funugna ka maloa kligna ba haghe funugna ke pari glose.”

Nodi Khoje Hatimare Mae Jiu 86:17

Lord God, falalase mei sagho te phile iagho ka iara na. Jame te eghu iagho te togho ghau nei farhetani nagnafagu iara gne teu na, naikno teke tirodi ghau iara re ginau thono mamaja nodi fara.

Eksodas 33:13

Jame tutuani te eghu teu gaoghathomu iagho eigu iara na, iagho farirhiu ghau iara puhimu iagho te doglo na, mala lase fakeli nigho nei edi fabrahu nou gloku iagho re, eghuteuna iara tangomana te edi igre mala keli tamu iagho. Iara jaola tore nigho mala thosei ghatho iho ghau, eigna iagho neke vahidihi naikno igre mala thofno nou naikno iagho.”

Eksodas 33:16

Jame te theome tei iagho balumi ghehati na, faꞌunha eghu laseni naiknore te tei iagho balumi ghehati na? Nu jame te au iagho balumi ghehati na, keha naiknore ginauna laseni te ghehati gne nhogriu ka keha naikno ka nauthoglu igne.”

Jajis 6:18

Iara magnahaghei nigho iagho te ofo teu ghilei tei hata mei iara keha gano mala tusu ari iara ka iagho mala kilo fnakno nigho iagho.” Engel igne ne cheke eghu, “Keli fara, iara ginauna ofou.”

Ululahu Kings 13:3

Ka narane tuanala, nogna mae gloku God igne ne eni kaisei fagaglana, “Igne fagaglana te chekeni Lord na, ‘Olta igne ginauna bagra phea eghuteuna nakrofugnare ginauna thofa soru pari ka glose na.’ ”