Jajis 6:12 - Buka Blahi Ka Cheke Holo

¹² Nogna Engel Lord igne ne thakle ka mae Gidion ne cheke eghu ka mana, “Gognarona Lord au balumu iagho eghuteuna iagho kaisei mae nheta mala magra!”

Jajis 6:12 ပူးပေါင်းရင်းမြစ်များ

Luku 1:28

Aonu engel na mei posa ka Meri ne cheke eghu, “Pharikeli nogna God na au balumu mala fablahi nigho!”

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Luku 1:11

Eghuteuna, kaisei engel nogna Lord na ne mei thakle ka mae Sekaraea, ne kegra neu fei khame nheta ka olta mala fafara na.

Jajis 13:3

Kaisei narane, engel nogna Lord na ne thakle ka khetogna Manoa na ne cheke eghu ka naꞌa, “Iara lase nigho iagho te theome au sua na, nu neuba, iagho ginauna bukla na au kaisei thumu nalhaꞌu.

Eksodas 3:12

Aonu God ne cheke eghu, “Thosei mhaghu. Iara ginauna au balumu iagho. Eghuteuna fagaglana te mala laseni iara te kuru nigho iagho igne: kate batudi iagho naiknore te jifla Ijep na, iagho ginauna mei ka thogele igne mala pogho soru ghau iara.”

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Matiu 1:23

“U khupi na ginauna bukla eghuteuna ginauna na au kaisei thugna nalhaꞌu. Eghuteuna, mare ginauna na kiloni mana mae Emanuel.” U gaoghathogna “mae Emanuel” gne, “God na au baluda”.

Thoutonu Eigna Rut 2:4

Ke leghugna igne, mae Boas jifla ka namono na ne mei ka nagare na ne cheke eghu, “Hamerane keli,” neu ka nogna mae gloku te kato bali teure ne cheke eghu, “Lord te au balumi.” Aonu mare ne cheke eghu, “Lord te fablahi nigho.”

Jajis 6:11

Kaisei narane, kaisei engel funugna Lord mei ne gnokro ke parigna kaisei gaju biꞌo ka vido te kiloni mare Ofra. Mae Joas gne maegna ka vido igne eghuteuna mana vikegna mae Abiesa eghuteuna mana reireghini gaju igne. Eghuteuna Gidion thugna mae Joas igne, mana fagagae khunedi sisi flaoa mala ghamu, nu mana edi poru ke lamnagna vido mala eni waen na. Mana eni igne mala theome tangomana maedi Midian igre te mei blau gano igre.

Jajis 6:13

Nu mae Gidion ne cheke eghu ka mana, “Mae biꞌo, jame te au teu Lord balumi ghehati na, naugna unha site thoke ghami ghehati glepo te diꞌa igrea? Kuꞌemi ghehati tifa ra neke toutonu eidi narane teke edi Lord glepo biꞌo teke hata fajifladi Ijep ra. Naugna unha si mana teke theome edi glepo igre ka ghehati gnea? Gognarona mana la tei koko ghamihi ghehati eghume ghehati auhi ka khamedi vikegna Midian.”

Ululahu Samuel 10:7

Kate thoke nigho iagho glepo igre, iagho ginauna tangomana te edi unha teke ghathodi iagho re naugna Lord na au balumu iagho.

Diutronomi 20:1

Mae Moses ne cheke eghu, “Kate tei ghotilo te magra ka nomi naokare, ghotilo jame filodi kmana hose nei kmana chariot mala magra, nei kmana soldia salaꞌu ghami ghotilo. Nu ghotilo thosei mhaghudi mare, naugna Lord nomi God, mae ihei teke hata fajifla ghami ghotilo Ijep ia ginauna au balumi ghotilo.

Jajis 11:1

Kaisei mae nanghagna na Jefta, mana kaisei mae soldia keli. Nu idogna na kaisei gaꞌase vine eghuteuna kmagna na Gilead.