Jajis 5:7 - Buka Blahi Ka Cheke Holo

⁷ Namono ikodire krogha. Uve, nakarha ka namono na theome keli ghilei posa ka narane iara Debora, iara kegra haghe kaisei naikno biꞌo jateula idogna eghu Israel.

Jajis 5:7 ပူးပေါင်းရင်းမြစ်များ

Profet Isaia 49:23

Hatimare mae king nei kuin teu igre ginauna jateula kmami nei idomi eghu ghotilo. Mare ginauna pogho soru pari ke ulumi ghotilo, eigna mare ghatho tahu ghami ghotilo. Ka narane igne ghotilo ginauna laseni te iara ngala Lord na. Iheire naikno te fatutuani ghau nei ofo ghau teu iara te mala toghodire ginauna keli tadi fara.”

Fapea Samuel 20:19

Nomi namono ghehati igne kaisei namono ulu fara ka kantri Israel. Ghehati naikno gna namono igne, ghehati magnahaghei te au ka pharikeli, eghuteuna ghehati ghatho tahuni fabrahu noda Lord. Nu gognarona iagho magnahaghei te mei roꞌeni namono igne. Naugna unha sagho te magnahaghei goigonidi nogna glepo Lord igrea?”

Letas Teke Riso Tei Mae Pol Ka Khiloau Rom 16:13

Eghuteuna ghotilo kubaeni mae Rufas, eigna mana kaisei mae keli fara mala loku ranghini Lord. Eghuteuna kubaeni idogna mana te taji ghau jateula thugna teu.

Nogna Buka Esta 9:19

Naugna igne, mae Jiu te au ka namono te ikodi igre, mare ghathoni narane nabotho fati gna nhigra Ada igne leuleghu finogha na. Narane igne kaisei nodi narane mala gnafa, mala ei gaghamu biꞌo, nei mala gleale'a biꞌo eghu mare. Eghuteuna soasopai tharakna na, mare tangomana te edi ghedi gano nei tufa namha eghu ka kheradire.

Jajis 5:6

“Ka narane gna Samga, thugna Anat, nei ka narane gna Jael, naiknore magnahaghe te leghudi nabrou te ikodire kolho, naugna nabrou biꞌo re theome keli.

Jajis 5:8

Ka narane naiknodi Israel igre te vahidi keha god delei igne, magra ne thoke mei, nu theo kaisei ka phiatutu thogha soldia di Israel te au grojo ba greoreo mala magra!