Jajis 5:22 - Buka Blahi Ka Cheke Holo

²² Ka narane tuana, nogna hose Sisera igre ne rikha. Uve, ghahedi re ne tothokei ka glose kate rikha na.

Jajis 5:22 ပူးပေါင်းရင်းမြစ်များ

Profet Maeka 4:13

Lord ne cheke eghu, “Ghotilo naiknomi Jerusalem! Ghotilo tei goigoni di mae naoka! Iara ginauna farheta ghami jateula buluka nalhaꞌugna honagna na jateula aean, eghuteuna ghahegna pari na jateula bras. Eghuteuna ghotilo ginauna tapla ke klignadi ka naikno ka kantri te kmana te jateula buluka te tapla ka wit te khoko guligna na ra eghu. Eghuteuna gobigna lepo te uludi ghotilo ka magra, ghotilo ginauna tusu mei ka iara Lord, nodi Funei naikno te gnafa ka nauthoglu igne.”

Profet Jeremaea 47:4

Narane te mala goigonidi naiknodi Filistia igne la thoke meihi. Uve, Lord ginauna falehedi naiknodi Filistia, iheire teke jifla mei ka moumolu Krit tifa ra. Mana ginauna eni igne mala theome tangomana mare te toghodi phei namono Taea ghe Saedon jare Fonisia.

Profet Isaia 5:28

Mae igre jaha fafnonuhi nodi gorure, eghuteuna mare tarabanahi te mala fada ka nodi phalohore. Nodi hose mae armi re thono nheta fara, eghuteuna aean te au ka ghahedi nodi hosere thono maku fara jateula thina eghu, eghuteuna wildi nodi chariot re umhu fara jateula saeklon eghu.

Nodi Khoje Hatimare Mae Jiu 33:17

Hose na theome tangomana te magra toghodi mae soldiare te mala theome lehe ba te mala uluni mare magra na.

Nodi Khoje Hatimare Mae Jiu 20:7

Keha naiknore rouronu ka armi, kehare rouronu ka chariot, nei kehare rouronu ka jata. Nu tahati na rouronu ka nogna nolaghi noda God.

Thoutonu Eigna Mae Job 39:19

“Ba, ghema Job, iagho si teke edi hose gre te mala nheta fara grea? Ba iagho si teke lilisei khakla brahu leghu ka graragna hose gnea?

Profet Jeremaea 8:16

Noda naoka tahati igre la thoke mei funudi ke mosu namono biꞌo Dan. Tahati nomhi laodi naogladi nodi hose mala magra re. Hose igre ku'e fabiꞌo, eghuteuna glose na nghali, eigna armi biꞌo igne tarabana mala magra ka hose. Noda naoka tahati igre la ruma meihi ka noda vido tahati igne. Mare na mei goigoni noda glose tahati igne baludi gobigna lepo te au ke lamnagna, nei mala goigoni noda namono biꞌo tahati igne baludi naikno te au ke lamnagna.”

Profet Jeremaea 47:3

naugna mare ne nomhidi naogladi hose nei chariot. Kate rikha na, kmadire na glaꞌe fara ka magra, naugna igne mare theome tangomana nate toghodi thudire.

Profet Esikiel 27:14

“ ‘Maedi ka kantri Bet-Togama ei bisnis balumu iagho, naugna mare foli nou famane glepo iagho re ka hose mala loku, nei hose mala magra, nei dongki mala luja glepo.