Jajis 5:20 - Buka Blahi Ka Cheke Holo

²⁰ Nathunu ka maloa na igre jaola loku fodu mala magra. Nathunu igre au ka nodi vido re magra ka funei biꞌo Sisera.

Jajis 5:20 ပူးပေါင်းရင်းမြစ်များ

Josua 10:11

Eghuteuna kate rikhani armi gna Israel igne te sukha ka thogele na, nodi soldia mae Amo igre, Lord ne koko soru aes funu kligna jateula thina neu fabrahu ke klignadi ne ghilei tei posa Aseka. Mae te lehe ka aes igre kmana fara salaꞌudi mae teke lehe ka mae Israel.

Ululahu Samuel 7:10

Ka narane te eni mae Samuel u fafara igne, maedi Filistia gre ne kafe thugha mei mala fufunu gna magra na. Nu Lord ne famei fila ne soru poha ke klignadi mare. Aonu mare ne mhaghu nodi fara balu fagoigoli ne rikha kokodi maedi Israel.

Jajis 4:15

Eghuteuna kate funu magra mare na, Lord ne famhaghuni Sisera baludi nogna soldiare, aonu mare ne chari tafri jateula naikno te nolira neu ka vido igne. Sisera ne krofu soru ka nogna chariot na ne funu rikha.

Josua 10:12

Ka narane igne, Lord ne toghoni mae Josua balu armi gna Israel ne uluni vikegna mae Amo. Eghume, mae Josua ne tarai eghu ka Lord ke uludi naiknore, “Naprai, iagho kegra snoto mala agha soru ke kligna Gibeon. Glaba, iagho kegra snoto mala agha soru ke kligna glogu Aijalon.”

Jajis 5:21

Nabritha biꞌo ka khoꞌu biꞌo Kison igne goigonidi nogna soldia Sisera igre. Uve, nabritha igne toku tafrudi mare. Leuleghu fata na, iara ginauna au rheta kate tei iara ka magra na!

Josua 10:10

Eghuteuna kate filoni armi gna Israel igne, nodi soldia mae Amo igre mhaghu nodi fara ne rikha tafri, naugna Lord ne faromno nagnafadire. Mae Josua balu nogna armi ne aknu falehe kmana mae ka mare ka namono igne, eghuteuna ngolhidi kehare leghu nabrou ne tei posa ka thogele te mala haghe ka namono Bet-horon. Mare ngolhi leghudi ne tei aknu falehedi ne ghilei tei posa ke matadi phei namono biꞌo Aseka ghe Makeda.

Fapea Samuel 18:8

Magra igne ne tei tongana mata heva heva ke lamna kantri. Nu mae soldia te lehe ka glepo te diꞌa mata igre kmana fara salaꞌudi mae te lehe ka magra igre.