Jajis 5:19 - Buka Blahi Ka Cheke Holo

¹⁹ “Hatimare mae king mei mala magra. Uve, hatimare mae king di Kenan igre mei ka magra. Neubane eghu ngau, namono Tanak rhegna khoꞌu Megido, mare theome uluni kaisei glepo te keli te mala hata fapulo na.

Jajis 5:19 ပူးပေါင်းရင်းမြစ်များ

Jajis 1:27

Ka narane tuare, vikegna Manase igre theome kafe khi fajifladi gnafa naiknodi Kenan igre ka nodi vido glose na. Naiknodi Kenan igre au kolho ka namono Bet-San, nei Tanak, nei Doa, nei Ibleam, nei Megido, nei ka namono ikodi te au faligohodi namono tuare.

Ululahu Kings 4:12

Mae Bana thugna mae Ahilud, mana mala reireghidi phei namono biꞌo Tanak ghe Megido, nei vido te gnafa ka namono biꞌo Bet-San. Vido igne namo ka namono biꞌo Saretan ke mata namono biꞌo Jesrel. Fofota gna nohi igne tei posa ka namono biꞌo Abel Mahola eghuteuna ka namono biꞌo Jokmeam.

Thakle 19:19

Aonu iara ne filoni bosu ulu lahu na baludi hatimare mae king gna nauthoglu igne nei hatimare mae soldia ne salofodu kaisei vido mala magra. Mare tarabana mala magra ka mae ihei te saghe ka hose vegha na, baludi hatimare nogna mae soldiare.

Nodi Khoje Hatimare Mae Jiu 44:12

Iagho neke foli nou naikno themu gre ka sileni ikoi jateula chara eghu kolho.

Jajis 4:13

mana ne kaikaliti nheva gobi chariot mala magra baludi nogna mae soldiare, eghuteuna mana ne kuru teidi Haroset-Ha-Goeim mala tei ka khoꞌu biꞌo Kison.

Jenesis 14:22

Nu mae Ebram ne cheke eghu ka mae king gna Sodom na, “Lord, God te fnakno fara, mae ihei teke vuavuhadi maloa ghe nauthoglu gre, iara nhaꞌa cheke ka nanghagna mana, iara theome tangomana te tathaji kaisei nou glepo iagho malagu thegu na tulao kaisei glepo ikoi fara jateula naglaja mala susuki ba gnarho mala famamhaku sadol. Thono theo fara. Ka puhi igne iagho theome tangomana te cheke eghu na, ‘Ka iara neke dedei fara nga si mae Ebram gnea teuna.’

Jenesis 4:16

Aonu mae Kein ne jifla kokoni tathagna Lord na ne tei au ke maghati Eden ka nohi Nod. Gaoghathogna Nod na “Tei tafri.”

Thakle 16:16

Aonu, thilo naiture ne salo fodudi hatimare mae king ka kaisei vido te kiloni mare ka cheke Hibru na, “Amagedon.”

Fapea Kings 23:29

Ka narane te king mae Josia igre, Fero Neko king gna Ijep neke haghe ka Khoꞌu biꞌo Iufretis mala toghoni king gna Asiria. King Josia jifla balugna nogna armi na mala magra ka Neko, nu Neko neke faleheni mana ka namono biꞌo Megido.

Fapea Kronikols 35:22

Nu King Josia ne tirogna fanomho ka chekegna God teke cheke ranghini King Neko. Nu mana heta ghegna ne tei magra. Eghuteuna kate tei ka magra na, mana pipichi ka pohe te jafra, mala theome tangomana mae soldiadi Ijep igre te filo glani ni mana na. Aonu mana tei ne magra ka sare biꞌo Megido.

Josua 12:21

Tanak ghe Megido,

Josua 17:11

Vikegna Manase igne au keha namono ke lamnagna nogna rijon Asa nei nogna rijon Isaka, nanghadi re Bet-San ghe Ibleam, baludi namono ikodi te au falithui igre, baludi namono Endo, nei Tanak, nei Megido nei Doa te au ka geri thongna.