Jajis 5:11 - Buka Blahi Ka Cheke Holo

¹¹ Ghotilo fanomho! Naikno te khapru ka Seu igne te koje eigna Lord te uluni magra igne. Uve, te chekeni mare na tahati naiknoda Israel la uluni magra na. Aonu, nogna naikno Lord igre jifla mala magra.

Jajis 5:11 ပူးပေါင်းရင်းမြစ်များ

Profet Maeka 6:5

Ghotilo nogu naikno iara ra! Ghotilo ke ghatho fapulodi gobigna lepo King Balak gna Moab teke magnahaghei fariuriu tibridi kuꞌemi ghotilo ra, eghuteuna ghathoni cheke tughu Balam, thugna Beo, teke tusu lao ka mana. Ghatho fapulodi ka glepo teke edi ka nabrou, kani teke kafe jifla mare teke kasa ka Khoꞌu biꞌo Jordan mala tei ka namono Akesia mala tei ka namono Gilgal. Te keli na ghotilo mala ghatho fapulodi gobigna lepo te keli igre, eghuteuna ghotilo lasedi gobigna lepo teke edi iara teke fakarhidi kuꞌemi ghotilore ka narane tura.”

Ululahu Samuel 12:7

Gognarona, tahati kegra ke ulugna mana, eghuteuna iara magnahaghei ghita tahati te mala ghatho fakelidi gloku biꞌo teke fakarhi ghita, funu ka narane di kuꞌeda tifa ra te ghilei mei posa ka narane gognarogne.

Jajis 5:8

Ka narane naiknodi Israel igre te vahidi keha god delei igne, magra ne thoke mei, nu theo kaisei ka phiatutu thogha soldia di Israel te au grojo ba greoreo mala magra!

Lamentations 5:9

Ghehati nabami te tei mata mala hiro gano, nu ninhigrana fara eghu, naugna mae te aknu poru re au tafri ke lamna namhata te krogha.

Lamentations 5:4

Ghehati mala foli khoꞌu mala koꞌu ghemi, eghuteuna theome naba sileni te mala foli gaju te mala kuki na.

Profet Jeremaea 7:2

“Iagho tei kegra ka grengathagna nogu Sugablahi iara na mala toutonu eghu ranghidi nogu cheke iara igre: “ ‘Ghotilo naiknomi Juda te ruma mei ka grengatha igne te mala mei tufru soruni Lord ra, fanomho fakeli ka nogna cheke mana igne.

Profet Isaia 28:6

Mana ginauna tusu lao gaoghatho te doglo ka iheire te lase fate, eghuteuna mana ginauna toghodi nogna naiknore mala kegra heta nei reireghi fakeli eghu nodi namono na ka mae naoka.

Profet Isaia 12:3

Ghotilo ginauna keli tami fara, naugna God ne thofno fakarhi ghami ghotilo.

Thoutonu Eigna Mae Job 29:7

“Ka narane tuana, iara gnokro ka faidu ka namono na, eghuteuna iara jaola tei faidu baludi goro mae biꞌo.

Diutronomi 22:24

Jame te eghu na, ghotilo hatadi repa tei ke kosi grengathagna nomi namono na mala fadi thinadi mala ghilei lehe repa. Gaꞌase igne mala lehe, naugna kate eni mae igne puhi te diꞌa na ka naꞌa na, naꞌa au nekeu ka nomi namono ghotilo na eghuteuna naꞌa neke theome ehani kaisei naikno mala mei toghoni. Eghuteuna mae tuana nabagna te lehe naugna mana ne goigonini khetogna keha mae na. Eghume te keli na ghotilo koko puhi te diꞌa igne ka ghotilo.

Nodi Khoje Hatimare Mae Jiu 145:7

Mare ginauna toutonuni famane puhimu iagho na, nei na koje glealeꞌa eigna puhimu iagho te thofno keli fara na.

Jenesis 24:11

Kate posa lao ke kosigna namono na, mana ne fatuthuru soru kamel re rhegna khoꞌu seu na. Igne fei grafi ka vido te mala mei toho khoꞌu goro gaꞌase re.

Jenesis 29:2

Mana kegra jare ne efra tafri ne filodi thilo bukrei sipu te thuru teu ka gerigna khoꞌu seu ka sare na, naugna sipu igre mei koꞌu koba ka khoꞌu seu igne. Eghuteuna foflogna khora igne fofotho ka kaisei thina biꞌo.

Jenesis 29:3

Kate khapru teu sipure ka gerigna seu igne, mare tangomana te pili fadelei thina biꞌo igne ka foflogna khora na te mala koꞌu sipure. Eghuteuna kate koꞌu te gnafa pili sipure ka seu igne na, mare neke fapulo thina biꞌo igne ka foflogna khora na.

Diutronomi 33:21

Ghotilo vavahi vido glose te keli te magnahagheni themi na. Ghotilo hata vido glose te nabadi mae biꞌo. Eghuteuna kate mei loku fodu nodi lida naiknodi Israel re, ghotilo leghudi nogna famane vetula nei nogna cheke teu Lord re.

Jajis 11:40

Naugna igne leuleghu finogha na gaꞌasedi Israel igre jifla tei tanhi nabagna fati narane ke ghatho fapuloni thugna gaꞌase Jefta maegna Gilead.

Nodi Khoje Hatimare Mae Jiu 71:15

Iara ginauna cheke edi glepo te doglo teke edi iagho ra, funu hamerane ghilei posa fei grafi. Iara ginauna cheke eigna nou nolaghi iagho te mala fakarhidi naiknore. Neubane theome raꞌe lase fakelidi iara, iara ginauna cheke fajifladi ngala.