Jajis 5:1 - Buka Blahi Ka Cheke Holo

¹ Ka narane tuana Debora ghe Barak, repa ne eni kaisei khoje. Khoje igne cheke eghu,

Jajis 5:1 ပူးပေါင်းရင်းမြစ်များ

Eksodas 15:1

Kate filoni hatimare mae Israel gre nogna nolaghi biꞌo Lord te falehedi mae Ijep gre ka thongna na, mae Moses nei naiknodi Israel gre eghu ne koje kaisei khoje ne cheke eghu: “Iara na koje ranghini Lord, naugna Mana ne thofno tapla faparidi fara nogna naokare. Mana neke huju soru hose nei mae teke saghe ka hose igre teure lamna thongna.

Nodi Khoje Hatimare Mae Jiu 18:1

God, iara namha nigho fara. Iagho ngala nogu nolaghi iara na.

Luku 1:46

Meri ne cheke eghu, “Iara thofno cheke fakelini nanghagna Lord na.

Profet Isaia 26:1

Ka narane igne, tahati te gnafa te au Juda ra ginauna kojeni khoje igne: Tahati au noda namono te rheta! Eghuteuna God fakarhi ghita, jateula kaisei bara thina te falithui namono na te reireghidi naiknore eghu.

Profet Isaia 25:1

Lord, iagho nogu God iara. Iara ginauna cheke fakeli nigho, eghuteuna pala hagheni nanghamu iagho na. Iagho edi koba gobigna lepo te biꞌo re, la jaglo nodi fara naiknore. Naugna iagho neke ghathodi funu tifa te mala edi glepo igre, iagho neke tajini fabrahu nou nhaꞌa cheke na.

Fapea Kronikols 20:27

Aonu King Jehosafat ne batudi soldia di Juda nei Jerusalem neke figri Jerusalem. Mare ne thofno glealeꞌa fara naugna Lord ne uludi nodi naoka re.

Fapea Kronikols 20:21

Eghuteuna kate ghusnadi te gnafa gaoghathodi naiknore, mana ne vavahi keha mae mala koje kilofnaknoni Lord tei ke ulugna armi na ne koje eghu, “Tahati cheke tegioni Lord, naugna mana namha ghita fabrahu.”

Ululahu Samuel 2:1

Aonu Hana ne tarai eghu: “Lord na pala haghe ghau iara! Iara thofno glealeꞌa fara ka glepo te eni iagho igne! Gognarona iara tangomana te maꞌe kolho ka nogu naoka re, naugna iagho ne togho ghau iara.

Naba 21:17

Jare naiknodi Israel gre ne kojeni kaisei khoje ne koje eghu: “Seu, tufa mei khoꞌu ka ghehati! Kate tufa iagho na, ghehati ginauna koje nei gleale'a fara!

Eksodas 15:21

Eghuteuna Miriam ne koje eghu ka reꞌe: “Tahati koje ranghini Lord, naugna mana neke uluni magra biꞌo na! Mana neke huju soru ka thongna na mae soldia re balu nodi hose!”

Jajis 4:24

Eghuteuna funu ka narane igne te haghe na Israel ne rheta ne rheta fara ne ghilei tapla soruni nei goigonini eghu nogna nolaghi King Jabin.

Thoutonu Eigna Mae Job 36:24

Leuleghu fata na, iagho mala cheke fakelini nogna gloku mana na, jateula te edi naiknore ka khoje are eghu.

Nodi Khoje Hatimare Mae Jiu 32:7

Iagho nogu vido keli mala poru iara, iagho pophoru ghau iara mala theome tangomana kaisei puhi te thoke ghau iara na. Iara na koje fabiꞌo eigna nou nolaghi iagho te fakarhi ghau iara, eigna iagho ne pophoru ghau nei reireghi ghau neu iara.

Jajis 4:4

Ka narane tuare, Debora khetogna mae Lapidot igne kaisei thau profet. Debora ne batudi naiknodi Israel.

Fapea Samuel 22:1

Mae Devet ne koje kaisei khoje mala cheke fakelini Lord ke leghugna Lord te fakarhini mana ka nogna naoka re, tulao ka mae king Sol. Igre chekedi nogna khoje mae Devet re: