Jajis 4:23 - Buka Blahi Ka Cheke Holo

²³ Eghume ka narane tuana, God ne toghodi naiknodi Israel ne uluni Jabin, kaisei king gna Kenan.

Jajis 4:23 ပူးပေါင်းရင်းမြစ်များ

Nodi Khoje Hatimare Mae Jiu 18:47

Iagho neke foli fapulodihi puhi te diꞌa teke edi ranghi ghau iara nogu naokara. Eghuteuna lilisei soru kmana naikno ke parigu iara.

Nehemaea 9:24

Mare tei ne hata namono igne. Iagho neke tusu lao nolaghi mala uludi mare naiknodi Kenan baludi mae king nei keha naikno teke au ka namono igne, mala tangomana mare te edi unha te magnahaghedi mare re.

Hibru 11:33

Hatimare neke fatutuani ni God. Naugna igne mare neke edi kmana nafnata glepo te biꞌo. Mare magra neke tapla sorudi kmana mae king nei kmana namono biꞌo. Mare neke funei ka puhi te doglo, nei hata unha glepo te keli teke nhaꞌa cheke ranghidi. Naugna igne mare ne fofotho foflodi lion nei falehedi khaꞌaghi te biꞌo fara, eghuteuna nodi naflahi mae te magnahaghei mei falehedi mare re theome thokedi mare. Neuba mare ne nigra, mare ginauna nake nheta. Eghuteuna mare heta fara ka magra ka hatimare mae thara te mei funudi ka namono delei nei tapla sorudi.

Nodi Khoje Hatimare Mae Jiu 81:14

Jame te eghu mare na, iara ginauna magridi nodi naoka mare re, eghuteuna iara na theome raugha na tapla sorudi naikno te diꞌa tuare.

Nodi Khoje Hatimare Mae Jiu 47:3

Mana togho ghita mala tapla sorudi naikno di keha vido gre, eghuteuna togho ghita mala funei frunidi tahati keha kantri are.

Nodi Khoje Hatimare Mae Jiu 18:39

Eigna iagho neke tusu mei nolaghi ka iara te mala magra na te mala tangomana iara te tapla sorudi mare pari na.

Ululahu Kronikols 22:18

Eghuteuna mana ne cheke eghu ka mare, “Lord noda God tahati na au balumi ghotilo. Mana neke snakre ghau iara neke uludi naikno teke kulu au agne tifa ka kantri igne. Eghuteuna gognarona mare au ke parigna nogna nolaghi mana, nei tahati nogna naikno mana ra. Eghuteuna ka puhi igne, mana tusu mei pharikeli ka ghotilo, nei ka iheire te au falithui ghami ghotilo. Eghuteuna theo kaisei naoka nate mei magri ghami ghotilo na.

Jajis 4:22

Barak ne harini Sisera, eghuteuna kate posa mana ka vido igne, Jael ne thafoni mana. Eghuteuna naꞌa ne cheke eghu, “Mei sagho. Mae te hironi iagho na au agne. Iara ginauna fakakhana ka iagho.” Mae Barak ne tei balugna naꞌa ne filoni Sisera tela lehehi na eghuteuna mana jaola ne filoni gaju te au teu ka glangi phaꞌugna mana na.

Jajis 4:24

Eghuteuna funu ka narane igne te haghe na Israel ne rheta ne rheta fara ne ghilei tapla soruni nei goigonini eghu nogna nolaghi King Jabin.