Jajis 4:14 - Buka Blahi Ka Cheke Holo

¹⁴ Aonu, Debora ne eha eghu tei ka mae Barak, “Tei si ghotilo! Gognarogne, Lord ginauna togho ghami ghotilo mala uludi mare, naugna mana nate batu ghami ghotilo ka magra igne! Mana la lilisehi Sisera ke parigna noda nolaghi tahati!” Aonu Barak ne batudi ne soru nabotho thogha nogna soldia funu ka thogele Teboa.

Jajis 4:14 ပူးပေါင်းရင်းမြစ်များ

Fapea Samuel 5:24

Kate nomhini ghotilo naogla te jateula te nonolo naikno teu ke kligna gaju na, ghotilo faghosei tei magra ka mare, naugna iara ginauna tapla ulu mala magra balumi ghotilo ka maedi Filistia are.”

Diutronomi 9:3

Nu gognarona ghotilo laseni, Lord nomi God ghotilo na neke nhaꞌa chekehi te mala kulu ulu ka ghotilo na. Kate kulu tei na mana ginauna jateula kaisei khaꞌaghi te gnhubra gobigna lepora eghu na thofno goigonidi fara naikno tuare. Eghume ghotilo tangomana te ngolhi fajifladi re, eghuteuna ghotilo ginauna ghosei aknu falehedi kolho.

Profet Isaia 52:12

Nu ghotilo ginauna na theome faghosei jifla Babilonia, jateula te rikha ra teuna. Naugna Lord nomi God ghotilo maemi Israel ra ginauna batu ghami ghotilo, eghuteuna mana ginauna au ke leghumi ghotilo mala reireghi ghami ghotilo.

Profet Maeka 2:13

Ka narane tuana, Lord ginauna ei nabrou maladi nogna naiknore, aheva mana ginauna atha fajifladi mare ka kantri te khaba aheva mare teke huhurudi mare mala au tagna. Mare ginauna jifla ka namono te khaba igre, eghuteuna mare ginauna snagla. Lord kolho ginauna nodi king mare, eghuteuna mana thegna ginauna batudi mare mala kafe jifla ka namono tuana mala ke pulo ka nodi thofno namono na.”

Ululahu Samuel 9:26

Mae Samuel dofra haghe hamerane boibongi ne ehani mae Sol ne cheke eghu ka mana, “Dofra gho. Iara ginauna tei lisei ghami ghopa ka nabrou gno mala tei ka namono.” Aonu mae Sol dofra haghe, eghuteuna mae Samuel ne jifla baludi phiamare ka namono na.

Jajis 19:28

Mana ne cheke eghu ka naꞌa, “Kegra haghe age noda!” Nu gaꞌase igne theome cheke, aonu mana pala haghe thinigna na ka nogna dongki na hata ne tei ka namono.

Josua 7:13

“Eghume iagho kegra haghe! Tei fagaedi naiknora, eghuteuna tarabana mala mei ke ulugu iara nathuꞌu. Naugna iara nomi Lord God ghotilo maemi Israel. Ghotilo neke hatahi glepo mala thosei hata ghotilo teku iara ra. Jame te theome koko ghotilo glepo igre na, ghotilo ginauna theome tangomana nate tapla faparidi mae naoka gre.

Jenesis 44:4

Ka te theome tei khaba nga teu mare ka namono na, mae Josep ne cheke eghu ka nogna mae gloku te mala reireghigna nogna suga na, “Iagho chari tei ke leghudi mae ira. Kate tei te posa iagho ka mare na, iagho na cheke eghu ka mare, ‘Nogu mae funei iara ia neke keli ranghi ghami ghotilo neke eni unha te keli na ka ghotilo. Naugna unha si teke eni ghotilo puhi te diꞌa na ka mana gnea?

Jenesis 19:14

Aonu mae Lot jifla ne tei cheke eghu ka phei mae te magnahaghei tolaghi teu ka phei thugna gaꞌase mana re, “Faghose, jifla kokoni namono igne! Lord ginauna na roꞌeni namono igne.” Nu phei mae igre gaoghathodi na ne cheke fagauglahu kolho mana eghu.

Jajis 4:10

Barak ne kiloni vikegna Sebulun, balugna vikegna Naftali mala mei filoni mana. Eghuteuna mana ne hata nabotho thogha mae ka phei vike igre mala tei balugna, eghuteuna Debora jaola ne tei baludi mare.

Josua 10:8

Lord ne cheke eghu ka mae Josua, “Thosei mhaghudi mae tuare. Iara ginauna togho ghami ghotilo, eghuteuna ghotilo ginauna uluni magra igne. Eghuteuna theo kaisei ka mare nate ulu ghami ghotilo ka magra na.”

Jajis 7:9

Ka bongi tuana, Lord ne cheke eghu ka Gidion, “Gidion, kegra haghe! Tei magra ka armigna Midian. Iara ginauna togho nigho iagho mala uludi mare!