Jajis 4:11 - Buka Blahi Ka Cheke Holo

¹¹ Ka narane tuare, Heba kaisei mae ka vikegna Kein, mana neke tei kokonihi vikegna na. Vike igne neke jifla mei ke leghugna Hobab, kaisei nanghogna Moses. Heba neke fakegra haghehi nogna suga thapuale na ka namono Kedes, rhegna kaisei gaju biꞌo ka vido te kiloi mare Sananim.

Jajis 4:11 ပူးပေါင်းရင်းမြစ်များ

Jajis 1:16

Vikegna nanghogna naꞌa Moses te vikegna Kein igne, mare ne tei baludi vikegna mae Juda. Mare ne kafe jifla ka namono Jeriko te kiloi namono thubo igne, eghuteuna mare ne tei ne au ke mata namono nagou rhegna namono Arad baludi naiknodi jare re.

Josua 19:33

Fofotagna nodi rijon mare ke raru nei ke maghati teu igne, funu ka namono Helef eghuteuna tei posa ka gaju biꞌo Sananim, eghuteuna ke tei posani namono Adami-Nekeb, eghuteuna ke tei ka namono Jabnel, tei posani namono Lakum eghuteuna gnafa ka Khoꞌu biꞌo Jordan.

Naba 10:29

Kaisei narane mae Moses ne cheke ka mae Hobab thugna mae Ruel. Mae Ruel gne mae gna Midian, eghuteuna mae Ruel gne nanghogna mae Moses. Moses ne cheke eghu ka mae Hobab, “Ghehati ginauna tei ka vido te keli teke nhaꞌa chekeni Lord mala tufa ka ghehati teku gne. Eghume keli fara jame te mei iagho balumi ghehati na. Jame te mei iagho na, ghehati ginauna reireghi nigho iagho.”

Josua 19:37

nei Kedes, nei Edrei, nei En-Haso,

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Jajis 4:6

Kaisei narane, naꞌa ne fatei cheke ka mae Barak, thugna mae Abinoam, jare Kedes ka nogna glose Naftali, mala mei filoni naꞌa. Eghuteuna kate mei thoke mana ka naꞌa na, Debora ne cheke eghu ka Barak, “Lord nodi God naiknodi Israel igne ne cheke eghu ka iagho, ‘Iagho tei kilodi nabotho thogha mae mala magra ka vikedi Naftali ghe Sebulun. Iagho batudi mare tei ka thogele Teboa.

Naba 24:21

Aonu mana neke filodi vikegna mae Kein gre ne cheke eghu, “Namono te au teu ghotilo gne, neke kaisei namono nheta fara. Neke jateula gnoku nanghaji te au goro thina kligna ra eghu.

Eksodas 18:1

Mae Jetro gne mae pris gna Midian, mana nanghogna mae Moses. Aonu mana ne nomhidi thoutonu eidi unha te edi God ranghini mae Moses nei hatimare mae Israel teure. Nei mana jaola neke nomhidi nafnata thoutonu eigna Lord teke atha teke mei naiknodi Israel gre funu Ijep.

Eksodas 2:18

Kate pulo ka mae kmadi na, mae Jetro ne ghusna eghu ka reꞌe, “Ne faꞌunha site ghosei teke pulo mei ghotilo gognaro gnea?”

Jajis 4:12

Kate nomhini Sisera nonomho te batudi Barak nogna soldiare ka thogele Teboa igne,

Ululahu Samuel 15:6

Nu ulu lahu na, mana ne fatei kaisei nonomho ka tharaknagna mae Kein. Mana eni igne, naugna kuꞌedi tharakna gna mae Kein igre neke toghodi kuꞌedi tharaknagna Israel kani teke jifla mei mare Ijep. Nonomho igne neke cheke eghu, “Ghotilo mala jifla kokoni Amalek glahu falehe ghami iara baludi mare.” Aonu mare jifla jare ne tei kokodi naiknodi Amalek.

Ululahu Samuel 27:10

Ka narane tuare, mae Akis ne ghusna eghu ka mae Devet, “Gognarona iagho na tei magra aheva?” Mae Devet cheke ka mae funei Akis aheva nate tei magra mana te funu ka namono nagou ka nohi Juda, nei ka nohi Jeramel, nei ka nohi Ken.

Naba 10:32

Eghuteuna jame te mei iagho balumi ghehati na, keha glepo te keli teke tufa mei Lord ka ghehati re, ghehati ginauna tufa ka iagho.”