Jajis 4:10 - Buka Blahi Ka Cheke Holo

¹⁰ Barak ne kiloni vikegna Sebulun, balugna vikegna Naftali mala mei filoni mana. Eghuteuna mana ne hata nabotho thogha mae ka phei vike igre mala tei balugna, eghuteuna Debora jaola ne tei baludi mare.

Jajis 4:10 ပူးပေါင်းရင်းမြစ်များ

Jajis 5:18

Nu vikegna Sebulun balugna vikegna Naftali kolho te mei ka magra na. Eghuteuna mare tarabana kolho te fadidiꞌa nakarhadi re.

Jajis 5:15

Eghuteuna mae funei ka vikegna Isaka igre loku fodu balugna Debora. Uve, mare ka vikegna Isaka igre toghoni Barak. Eghuteuna mare chari ne tei ka glogu ke leghugna mae Barak. Vido gaga ka vikegna Ruben te au keha gaoghatho rheta te mala mei.

Jajis 4:14

Aonu, Debora ne eha eghu tei ka mae Barak, “Tei si ghotilo! Gognarogne, Lord ginauna togho ghami ghotilo mala uludi mare, naugna mana nate batu ghami ghotilo ka magra igne! Mana la lilisehi Sisera ke parigna noda nolaghi tahati!” Aonu Barak ne batudi ne soru nabotho thogha nogna soldia funu ka thogele Teboa.

Ululahu Kings 20:11

Nu king gna Israel igne ne cheke eghu, “Ghotilo tei cheke eghu ka mana: ‘Soldia te ao ngala te funu tei nga ka magra na, mana theome tangomana te cheke fahaehaghe jateula soldia teke ulunihi magra na teuna.’ ”

Ululahu Samuel 25:27

Iara atha mei keha glepo ka iagho funei maladi nou mae soldia iagho gre.

Jajis 4:6

Kaisei narane, naꞌa ne fatei cheke ka mae Barak, thugna mae Abinoam, jare Kedes ka nogna glose Naftali, mala mei filoni naꞌa. Eghuteuna kate mei thoke mana ka naꞌa na, Debora ne cheke eghu ka Barak, “Lord nodi God naiknodi Israel igne ne cheke eghu ka iagho, ‘Iagho tei kilodi nabotho thogha mae mala magra ka vikedi Naftali ghe Sebulun. Iagho batudi mare tei ka thogele Teboa.

Eksodas 11:8

Nou mae funei iagho are ginau na mei pogho soru ke ulugu iara, na cheke fabiꞌo eghu ka iara, ‘Faghose, atha nou naikno are mala jifla gognaro la!’ Ke leghugna tuana, iara ginauna tei.” Kate nomhidi cheke igre mae Moses diꞌatagna fara nei jifla ka sugagna mae king.

Jajis 6:35

Eghuteuna mana ne fatei nonomho ka vikegna Manase, nei vikegna Asa, nei vikegna Sebulun, nei vikegna Naftali, cheke ranghidi mae ka vike igre mala mei loku fodu ka nogna armi na.

Nodi Khoje Hatimare Mae Jiu 68:28

God, falalase mei ka ghehati nou nolaghi na, jateula teke eni iagho ka ghehati tifa ia eghu.