Jajis 3:8 - Buka Blahi Ka Cheke Holo

⁸ Aonu Lord brana ne salaꞌui diꞌatagna na ranghini Israel. Eghuteuna mana ne snakre laodi ka khamegna King Kusan-Risataem gna Mesopotemia, mala uludi mare ka magra. Eghuteuna mare ne au ke parigna mana nabagna nhana finogha.

Jajis 3:8 ပူးပေါင်းရင်းမြစ်များ

Jajis 2:14

Diꞌatagna Lord na ne thono brana fara ka mare ne snakre laodi ka khamedi nodi naoka te au faligohodi mare. Eghuteuna nodi naoka mare igre raꞌe ne nheta fara, eghuteuna naiknodi Israel igre ne theome tangomana te reireghidi thedire. Eghuteuna naoka igre blau koba nodi gobigna lepo re.

Profet Habaku 3:7

Lord, iara filodi naiknodi ka kantri Kusan igre mhaghu nodi fara, eghuteuna naiknodi Midian igre fififri fara.

Jajis 4:9

Aonu Debora ne cheke eghu, “Uve, iara ginauna age balumi ghotilo. Nu neubane uluni iagho magra na, iagho ginauna theome hata fnakno ka magra tuana. Naugna Lord ginauna lisa laoni Sisera ka khamegna kaisei naikno biꞌo.” Aonu phiamare tei ne posa namono Kedes.

Letas Teke Riso Tei Mae Pol Ka Khiloau Rom 7:14

Eghuteuna te laseni tahati na, u vetula gne neke mei funu ka God, nu naugna iara maegu ka nauthoglu igne naikno kolho, iara au jateula nogna mae sneka eghu nakhibo.

Profet Isaia 50:1

Lord ne cheke eghu, “Ghotilo naiknomi Israel. Ba, ne tei koko ghamihi iara jateula mae ihei te tei kokoni khetogna na ia neu jau si ghotilo? Aheva gneu pepa te mala koko gaꞌase na? Ba, ne foli ghamihi iara ka naiknodi keha kantri are mala falehe kaoni mala naikno sneka eghu? Theo. Mare neke atha ghami ghotilo neke tei ka keha kantri delei naugna ghotilo ne edi kmana nakhibo fara. Eghuteuna iara theome magnahaghei ghami ghotilo naugna puhimi ghotilore thono diꞌa fara.

Nodi Khoje Hatimare Mae Jiu 85:3

Tifa na iagho neke diꞌatamu ka ghehati, uve, gognaro na iagho kela theome diꞌatamu ka ghehati.

Nodi Khoje Hatimare Mae Jiu 6:1

Lord, neubane diꞌatamu iagho ka iara, iagho thosei cheke fabiꞌo ghau nei para ghau eghu iara.

Ululahu Samuel 12:9

“Nu neuba ngau, mare neke theome ghathoni nodi Lord God na. Aonu mana neke snakreni king gna Moab balu nogna armi na mala magra nei uludi eghu mare. Ke leghu na, mana neke snakreni Sisera balu armi gna Haso na mala mei magra ka mare. Eghuteuna ke leghu na, mana neke snakreni armi gna Filistia na mala uludi mare.

Jajis 2:20

Aonu Lord ne diꞌatagna fara ka mare ne cheke eghu, “Naiknodi Israel igre huhughuni nhaꞌa cheke teke chekeni iara ka kuꞌedi mare tifa mala tathaji mare teku ia. Naugna te theome leghu ghau iara mare na,

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Eksodas 22:24

Tutuani fara, iara ginau na thono diꞌatagu fara ka ghotilo eghuteuna iara na chekedi mae naokare mala mei falehe ghami ghotilo mala lehe kokodi ghotilo khetomi nei thumi teu are.

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Jajis 3:9

Nu naiknodi Israel igre ne tanhi lao ka Lord mala toghodi, eghuteuna mana ne vahini Otniel thugna Kenas tahigna Kelab.

Jajis 3:10

Aonu Tharunga gna Lord na ne mei ka Otniel ne tusu lao nolaghi ka mana, eghuteuna mana batudi maedi Israel ne tei magra ne uluni King Kusan-Risataem.

Nodi Khoje Hatimare Mae Jiu 44:12

Iagho neke foli nou naikno themu gre ka sileni ikoi jateula chara eghu kolho.

Nodi Khoje Hatimare Mae Jiu 129:1

Tore! Ghotilo mae Israel ra, toutonu mei si ghotilo! Funu ka narane teke sneka mae ku'edara ka namono Ijep te ghilei mei posa gognaro gne, naugna unha si mae naoka gre te goigoni ghita tahati gnea?

Jenesis 24:10

Aonu mae gloku na ne hata nogna nabotho kamel mae Ebraham ra nei hata balugna kmana soasopaigna nafnata glepo te keli eghu mala namha. Mana tarabana glepo igre ne tei ka namonogna mae Naho na jare ka kantri Mesopotemia.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Nodi Khoje Hatimare Mae Jiu 106:41

Mana ne lisa laodi ka khamedi naikno te bongihehere mala au ke paridi mae nodi naokare.