Jajis 3:31 - Buka Blahi Ka Cheke Holo

³¹ Ke leghugna Ehud, Samga thugna Anat jaola neke fakarhidi naiknodi Israel. Mana kaisei fata na neke aknu falehe namno gobi maedi Filistia ka kaisei gaju fnonu te atha mare te mala batudi buluka re.

Jajis 3:31 ပူးပေါင်းရင်းမြစ်များ

Jajis 5:6

“Ka narane gna Samga, thugna Anat, nei ka narane gna Jael, naiknore magnahaghe te leghudi nabrou te ikodire kolho, naugna nabrou biꞌo re theome keli.

Ululahu Korin 1:17

Kraes neke theome kuru ghau iara mala faꞌapublahi naikno kolho. Theo. Mana neke kuru ghau iara mala toutonu eigna u Nonomho te Keli na. Iara theome tangomana te toutonuni u Nonomho te Keli na ka nafnata puhi te eni mae ihei te lalase fara na, na eghunu glehe teke eni Kraes ka gaju fafatha na igne theo nafugna kolho eghu.

Ululahu Samuel 17:50

Neuba mae Devet ne theo nogna naflahi mala magra, mana magra ne faleheni mae Golia ka phirikuava nei thina eghu kolho.

Ululahu Samuel 17:47

Eghuteuna mae te gnafa te filo teu igre ginauna laseni Lord na theome rouronu ka naflahi ba jata te mala reireghidi nogna naiknore. Nu mana au nogna nolaghi te mala toghodi nogna naiknore te mala uluni magra na. Eghuteuna mana ginauna na kafe lisa mei ghami ghotilo hui ka khamemi ghehati maemi Israel.”

Jajis 15:15

Samson ne filoni kaisei nhubra gagama gna dongki teke lehe majaghani na, aonu mana hata haghe nhubra gagama igne ne aknu falehe kaisei thogha soldia gna Filistia.

Jajis 5:8

Ka narane naiknodi Israel igre te vahidi keha god delei igne, magra ne thoke mei, nu theo kaisei ka phiatutu thogha soldia di Israel te au grojo ba greoreo mala magra!

Jajis 2:16

Aonu, Lord ne vavahi keha mae lida mala fakarhidi naiknodi Israel igre ka khamedi nodi naoka mare igre.

Ululahu Samuel 4:1

Eghuteuna kate cheke mae Samuel na, tharaknagna Israel igne ne kafe fanomho ka mana. Kaisei fata, maedi Israel igre ne tei magra ka maedi Filistia. Maedi Israel igre ne lisei haghe nodi suga tapuale re ka namono Ebenesa, eghuteuna maedi Filistia gre jaola ne lisei haghe nodi suga tapuale re ka namono Afek.

Jajis 10:17

Ka narane tuare armigna Amon ne tarabana mala magra, eghuteuna mare mei ne au rijon Gilead. Eghuteuna naiknodi Israel igre jaola ne mei au ka namono Mispa ka rijon igne.

Jajis 10:7

Aonu Lord ne diꞌatagna fara ka naiknodi Israel ne lisa lao ka vikegna Filistia ke mosu nei vikegna Amon ke maghati mala mei magra ka mare.

Jajis 4:1

Ke leghugna tela lehehi Ehud igne, naiknodi Israel igre neke edi kmana puhi te diꞌa ka tathagna Lord.

Jajis 3:30

Ka narane tuana, igne puhi te eni naiknodi Israel te uluni vikegna Moab. Aonu naiknodi Israel igre ne au ka pharikeli nabagna nhana salei finogha.

Ululahu Samuel 12:9

“Nu neuba ngau, mare neke theome ghathoni nodi Lord God na. Aonu mana neke snakreni king gna Moab balu nogna armi na mala magra nei uludi eghu mare. Ke leghu na, mana neke snakreni Sisera balu armi gna Haso na mala mei magra ka mare. Eghuteuna ke leghu na, mana neke snakreni armi gna Filistia na mala uludi mare.

Jajis 10:11

Lord ne cheke tughuni nodi tharai mare igne ne cheke eghu, “Tifa te mei na, vikegna Ijep, nei vikegna Amoa, nei vikegna Amon, nei vikegna Filistia,