Jajis 3:29 - Buka Blahi Ka Cheke Holo

²⁹ Ka narane tuana, mare ne aknu falehe namo nabotho thogha soldiadi Moab eghuteuna ka vido tuana theo kaisei naikno ka mare te tangomana te rikha na.

Jajis 3:29 ပူးပေါင်းရင်းမြစ်များ

Nodi Khoje Hatimare Mae Jiu 17:10

Hatimare cheke fabiꞌo fara balu pala haghedi kolho nangadi thedire. Eigna mare tirodi kokhonidi kolho keha naiknore.

Thoutonu Eigna Mae Job 15:27

“Mae igne jateula mae te blokha nei dedei ra eghu, eghuteuna mae igne hiuhiku.

Jajis 3:17

Aonu mana baludi nogna mae glokure hata ne tei takis igne ka King Eglon, mae ihei te thofno blokha fara.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Diutronomi 3:18

“Eghuteuna ka narane tuana, iara neke cheke faheta eghu ka vikedi mae Ruben, mae Gad nei mae Manase, ‘Lord, nomi God ghotilo, mana neke tusu arihi glose igne ka ghotilo mala khotogna. Nu kate kasa ghotilo ka Khoꞌu biꞌo Jordan igne, nomi soldia ghotilo re ginauna hata tei baludi nodi glepo mala magra re mala tei magra ke uludi vikemi themi ghotilo naiknodi Israel.

Jajis 3:28

Aonu mana ne cheke eghu, “Ghotilo mei leghu ghau iara! Lord na la snakre meihi vikegna Moab ka khameda tahati!” Aonu mare leghuni mana ne soru ka nabrou re ne kasa ka Khoꞌu biꞌo Jordan. Eghuteuna mare theome snakreni kaisei maegna Moab te kasa ka khoꞌu na te tei Moab.

Jajis 3:30

Ka narane tuana, igne puhi te eni naiknodi Israel te uluni vikegna Moab. Aonu naiknodi Israel igre ne au ka pharikeli nabagna nhana salei finogha.