Jajis 3:28 - Buka Blahi Ka Cheke Holo

²⁸ Aonu mana ne cheke eghu, “Ghotilo mei leghu ghau iara! Lord na la snakre meihi vikegna Moab ka khameda tahati!” Aonu mare leghuni mana ne soru ka nabrou re ne kasa ka Khoꞌu biꞌo Jordan. Eghuteuna mare theome snakreni kaisei maegna Moab te kasa ka khoꞌu na te tei Moab.

Jajis 3:28 ပူးပေါင်းရင်းမြစ်များ

Jajis 12:5

Armigna Gilead igne jaola ne lilisei mae mala reireghi ka vido te gnafa aheva soldiadi Efrem tangomana te tei kasa ka Khoꞌu biꞌo Jordan teke pulo ka nodi namono re. Kate filoni kaisei mae ka vikegna Efrem mei te tore mala kasa ka khoꞌu na teuna, mae greireghi igre ginauna ghusna eghu, “Iagho vikegna Efrem?” Eghuteuna jame te cheke eghu mana na, “Theo,”

Jajis 7:15

Kate nomhini Gidion mifi igne nei gaoghathogna na teuna, mana pogho soru ne cheke fakelini Lord. Aonu mana figri neke pulo ka nogna armi na ne eha eghu fabiꞌo, “Ari tahati ia! Iara laseni eigna Lord na la snakrenihi armigna Midian ka khameda tahati!”

Jajis 7:9

Ka bongi tuana, Lord ne cheke eghu ka Gidion, “Gidion, kegra haghe! Tei magra ka armigna Midian. Iara ginauna togho nigho iagho mala uludi mare!

Josua 2:7

Eghume, nogna mae gloku mae king igre jifla ne tei hirodi phei mae igre, eghuteuna ke leghugna te jifla te tei mae igre, mae greireghire ne bobotho grengathagna namono na. Mare hirodi phei mae igre ne ghilei tei posa ka vido aheva te tei kasa ka Khoꞌu biꞌo Jordan.

Ululahu Samuel 17:47

Eghuteuna mae te gnafa te filo teu igre ginauna laseni Lord na theome rouronu ka naflahi ba jata te mala reireghidi nogna naiknore. Nu mana au nogna nolaghi te mala toghodi nogna naiknore te mala uluni magra na. Eghuteuna mana ginauna na kafe lisa mei ghami ghotilo hui ka khamemi ghehati maemi Israel.”

Jajis 7:24

Eghuteuna mana kurudi keha mae mala tei chekedi mae iheire te au ka thogele kantri Efrem. Mare ne cheke eghu, “Ghotilo faghose soru mei mala magrini tahati armigna Midian. Ghotilo reireghidi vido aheva mare tangomana te kasa ka Khoꞌu biꞌo Jordan. Ghotilo thosei snakreni kaisei ka mare te tei kasa ka keha phile Khoꞌu biꞌo Jordan te mala tei posa namono Bet-Bara.” Aonu soldia di Efrem kafe mei ne reireghi vido te gnafa aheva te mala kasani Khoꞌu biꞌo Jordan te tei posa Bet-Bara.

Jajis 7:17

Eghuteuna mana cheke eghu ka mare gnafa, “Kate ari tahati te namo ka armigna Midian, ghotilo filo ka iara. Unha te eni iara na, ghotilo jaola eni unha te eni iara na.

Jajis 4:10

Barak ne kiloni vikegna Sebulun, balugna vikegna Naftali mala mei filoni mana. Eghuteuna mana ne hata nabotho thogha mae ka phei vike igre mala tei balugna, eghuteuna Debora jaola ne tei baludi mare.

Jajis 3:29

Ka narane tuana, mare ne aknu falehe namo nabotho thogha soldiadi Moab eghuteuna ka vido tuana theo kaisei naikno ka mare te tangomana te rikha na.

Jajis 7:14

Keha soldia na ne cheke eghu, “Nou mifi iagho igne theome eigna unha nga, nu gaoghathogna na, God ginauna snakre lao ghita tahati armigna Midian ka khamegna Gidion thugna Joas, armi komanda gna Israel!”

Jajis 10:11

Lord ne cheke tughuni nodi tharai mare igne ne cheke eghu, “Tifa te mei na, vikegna Ijep, nei vikegna Amoa, nei vikegna Amon, nei vikegna Filistia,

Ululahu Kings 20:21

Eghuteuna King Ehab ne jifla balugna nogna armi na, eghuteuna mare tei ne aknu falehe soldia di Siria. Eghuteuna mare thofno goigonidi fara nodi hose nei chariot teu armi gna Siria.