Jajis 3:12 - Buka Blahi Ka Cheke Holo

¹² Ke leghu, naiknodi Israel igre neke eni fapulo puhi te diꞌa na ka tathagna Lord. Aonu Lord ne tusu lao narheta ka Eglon king gna Moab mala uludi naiknodi Israel.

Jajis 3:12 ပူးပေါင်းရင်းမြစ်များ

Ululahu Samuel 12:9

“Nu neuba ngau, mare neke theome ghathoni nodi Lord God na. Aonu mana neke snakreni king gna Moab balu nogna armi na mala magra nei uludi eghu mare. Ke leghu na, mana neke snakreni Sisera balu armi gna Haso na mala mei magra ka mare. Eghuteuna ke leghu na, mana neke snakreni armi gna Filistia na mala uludi mare.

Jajis 2:19

Nu kate lehe mae lida na, mare te gnafa na ke puloi ngala ke leghudi puhi te diꞌare. Eghuteuna mare edi fabrahu glepo te thono diꞌa fara salaꞌudi puhidi kmadi tifa ra. Mare leghudi nei tarai eghu ka keha god delei. Eghuteuna leghu fata kolho, mare patugama fabrahu nei theome tangomana te lisa kokodi puhi te diꞌa re.

Jone 19:11

Mae Jisas ne cheke eghu ka mae Paelat, “Iagho theo kaisei nou nolaghi ke klignagu iara. Nu iagho tangomana te tupijuru ghau iara na, naugna God neke snakre nigho iagho te mala eni tuana. Nu mae ihei te snakre ghau iara ka khamemu iagho na, mana thono nakhibogna biꞌo fara ke tulao mu iaghoi.”

Profet Hosia 6:4

Aonu Lord ne cheke eghu, “Ghotilo naiknomi Israel nei Juda teura, unha nate eni iara ka ghotilo na? Uve, ghotilo namha ghau iara nabagna kaisei narane kolho, theome raugha. Nomi namha ghotilo na jateula khoveo ke kligna thogele ra eghu kolho, ba jateula nabubla te ghosei te blalho te dofidi kate haghe naprai na hamerane boibongi ra eghu kolho.

Profet Daniel 5:18

“Fanomho sagho. God mae ihei te fnakno kligna lahu igne teke vahini mae kuꞌemu iagho, King Nebukadnesa ia mala funei frunini kantri igne.

Profet Daniel 4:22

King, gaju te filoni iagho igne, themu iagho ngala. Iagho kaisei mae fnakno fara nanghamu na ka tathadi naikno te gnafa igre. Eghuteuna iagho au nou nolaghi biꞌo te mala funei frunidi naikno te au ka vido te gnafa ka nauthoglu igne.

Profet Esikiel 38:16

Ghotilo ginauna mei toku tafrudi nogu naikno iara Israel igre, jateula kaisei khoveo biꞌo balu nakhete te soru te toku tafrudi namono ra eghu. King Gog! Ka narane tuana, iara ginauna kuru nigho tei lamna ka nogu namono iara igne, mala laseni naiknodi keha kantri igre te iara Lord na mae blahi.

Profet Isaia 37:26

“King Senakerib! Ba? Iagho theome laseni ngau? Iara Lord neke ghathoni igne funu tifa, mala edi iagho glepo igre, eghuteuna gognarona iara na eni igne mala thoke mei. Iara neke tusu ari nolaghi ka iagho mala goigonidi namono biꞌo te bara ligoho ka thina igre, mala vuhai bukrei thina kolho.

Profet Isaia 10:15

Nu Lord ne cheke eghu, “Ba, nhirama gne te fagrofo gaju na, ba naikno te kato gne? Ba, soa gne te alha gaju na, ba naikno te loku soa gne? Ba, khodo gne te lokuni naikno na, ba naikno gne te loku ka khodo igne?”

Fapea Kings 5:1

Mae Naman gne kaisei komanda ka armi gna Siria. Eghuteuna king gna Siria igne thofno magnahagheni nei keli tagnani eghu mae Naman. Naugna Lord neke toghoni mana mala tangomana armi gna Siria te uludi magra re. Mana kaisei mae soldia keli tutuani fara, nu mana au tagna kaisei fogra te diꞌa te kiloi leprosi ka thinigna na.

Jajis 2:14

Diꞌatagna Lord na ne thono brana fara ka mare ne snakre laodi ka khamedi nodi naoka te au faligohodi mare. Eghuteuna nodi naoka mare igre raꞌe ne nheta fara, eghuteuna naiknodi Israel igre ne theome tangomana te reireghidi thedire. Eghuteuna naoka igre blau koba nodi gobigna lepo re.

Jajis 2:11

Ka narane tuare, naiknodi Israel igre ne funu edi puhi te diꞌa ka tathagna Lord nei tarai ka god chaghi Baal.

Eksodas 9:16

Nu iara snakre ghami ghotilo te mala karha teu te mala falalase ari iara nogu nolaghi biꞌo na ka ghotilo, eghuteuna naiknore ginau na toutonuni nanghagu iara na ka nauthoglu gne.

Jajis 3:11

Aonu naiknodi Israel igre ne au ka pharikeli nabagna phiatutu finogha ka glose igne. Aonu Otniel thugna Kenas ne lehe.