Jajis 3:10 - Buka Blahi Ka Cheke Holo

¹⁰ Aonu Tharunga gna Lord na ne mei ka Otniel ne tusu lao nolaghi ka mana, eghuteuna mana batudi maedi Israel ne tei magra ne uluni King Kusan-Risataem.

Jajis 3:10 ပူးပေါင်းရင်းမြစ်များ

Ululahu Samuel 11:6

Eghuteuna kate nomhini mana igne, Tharunga gna God na ne mei faheta fara ka mana ne diꞌatagna fara.

Jajis 14:19

Eghuteuna Tharunga gna Lord na ne mei farheta fara ka mana. Mana sukha ka namono Askelon. Eghuteuna ka namono igne, mana ne aknu falehe tolufulu mae ne hata nodi pohe mare re. Samson tei Timna ne tusu lao pohe igre ka mae iheire teke chekeni gaoghathogna grougromu igne. Mana thofno diꞌatagna fara eigna glepo igne, aonu mana neke pulo ka namonogna kmagna na.

Jajis 14:6

Nu Tharunga gna Lord na ne soru mei ka mana ne farhetani fara mana, eghuteuna mana tei ne aknu falehe lion igne, eghuteuna mana ne kina sasakani thinigna lion igne ka khamegna na kolho. Mae Samson ne aknu falehe lion igne jateula mae Samson te aknu falehe sua nanigot ra eghu kolho. Nu mana theome chekeni glepo igne ka idogna ghe kmagna gre.

Jajis 13:25

Eghuteuna kate au teu Samson Mahane-Dan, kaisei namono farihoteidi phei namono Sora ghe Estaol, Tharunga gna Lord na ne batuni Samson.

Jajis 11:29

Ka narane igne Tharunga gna Lord na mei ka Jefta ne tusu lao nolaghi ka mana. Aonu mana tei ka nogna glose Gilead nei ka nogna glose Manase ne kilo meidi mae te mala magra re. Eghuteuna mana neke pulo mei Mispa jare Gilead, eghuteuna funu jare mana ne batuni kaisei armi ne tei magra ka vikegna Amon.

Jajis 6:34

Ka narane tuana, Tharunga gna Lord ne mei ka Gidion. Eghuteuna Gidion kegra haghe ne kufli mala kilodi vikegna Abiesa re mala mei leghuni mana mala tei magra.

Fapea Kronikols 15:1

Ka narane teke pulo mei King Asa Jerusalem balugna nogna armi na, Tharunga gna God na ne mei ka mae Asaraea, thugna mae Oded. Aonu mana tei ne thafoni mae Asa baludi nogna soldiare ne cheke eghu ka mana, “Iagho King Asa, nei ghotilo naiknomi Juda nei Benjamin, fanomho mei ka iara! Jame te toreni ghotilo Lord te mala au balumi na, mana ginauna au balumi ghotilo. Jame te toreni ghotilo mana te mala batu ghami na, mana ginauna batu ghami ghotilo. Nu jame te tei kokoni ghotilo mana na, mana ginauna jaola tei koko ghami ghotilo.

Naba 24:2

Kate filodi mae Balam vikegna te gnafa Israel gre te au teu ka nodi suga thapuale re, nogna tharunga te blahi God na ne soru ka mana,

Hibru 6:4

Naugna keha naikno khiloaure theome tangomana te hogri nagnafa teke figri ka mae Kraes na. Kaisei fata mare neke auhi ka naphaegna God. Mare jaola hatahi unha teke tusu mei God funugna kligna nei mae Tharunga te Blahi la auhi ke lamnadi.

Nodi Khoje Hatimare Mae Jiu 51:11

Thosei huju fadelei ghau iara mala tei fakhaba nigho, God, thosei hata fadeleini mae Tharunga te Blahi na ka iara.

Fapea Kronikols 20:14

Aonu Tharunga gna Lord na ne soru mei ke kligna gna kaisei mae Livaet ka vikegna mae Asaf te au teu baludi mare na. Mae igne mae Jahasiel, thugna mae Sekaraea. Mae Sekaraea gne thugna mae Benaea. Mae Benaea gne thugna mae Jehiel. Mae Jehiel gne thugna mae Matanaea.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Ululahu Samuel 10:6

Eghuteuna Tharunga gna Lord na ginauna mei sagheleghu nigho iagho, eghuteuna iagho ginauna jaola tei baludi mare mala ragi nei koje eghu mala kilo fnaknoni God.

Naba 27:18

Aonu Lord ne cheke eghu ka mana, “Mae Josua, thugna mae Nun, nolaghi gna nogu Tharunga te Blahi iara na te au balugna mana na. Iagho ginauna tathalei teini mana ka tathadi naiknore nei ka mae pris Eleasa, eghuteuna habo lao khamemu na ka phaꞌu mana na mala taraini. Eghuteuna iagho ginauna cheke ka tathadi naiknore eigna mana teke tughu nigho iagho na.

Naba 11:29

Aonu mae Moses ne cheke eghu, “Unha site nanga nou iagho ka iara te mala kmu mare teu gnea? Iara magnahagheini Lord te tufa lao nogna nolaghi gna Tharunga te Blahi na ka mare, mala cheke jateula mae profet eghu mare!”

Naba 11:25

Aonu Lord ne soru mei ka kaisei gromno ne cheke balugna Moses. Lord ne atha keha nolaghi gna nogna Tharunga te Blahi teke tufa ka mae Moses re, ne tufa lao ka fitusalei mae lida re. Kate mei Tharunga te Blahi na te au ka mare na, mare ne cheke jateula mae profet neu, nu kaisei fata kolho eghu.

Naba 11:17

Iara ginauna soru mala cheke balumu iagho jare. Eghuteuna iara ginauna atha keha nolaghi gna nogu Tharunga te Blahi ka iagho ra, mala ke tufa lao ka mare. Mala tangomana mare te togho nigho mala reireghidi naiknore, mala nu theome nanga nou iagho eghu.

Jajis 3:8

Aonu Lord brana ne salaꞌui diꞌatagna na ranghini Israel. Eghuteuna mana ne snakre laodi ka khamegna King Kusan-Risataem gna Mesopotemia, mala uludi mare ka magra. Eghuteuna mare ne au ke parigna mana nabagna nhana finogha.

Jajis 3:11

Aonu naiknodi Israel igre ne au ka pharikeli nabagna phiatutu finogha ka glose igne. Aonu Otniel thugna Kenas ne lehe.

Ululahu Kronikols 12:18

Eghuteuna tharunga gna God na ne mei ka mae Amasae mae ihei te lida ka tolufulu soldia te nheta igre ne eha eghu fabiꞌo, “Devet, thugna mae Jesi! Ghehati nou iagho gognaro na! Iagho ginauna tangomana nate uludi magra re. Iara toreni God mala tusu ranghi nigho iagho nei iheire te au balumu nogna nolaghi nei pharikeli.” Aonu mae Devet ne kelitagna fara ka mare, eghuteuna mana ne vahidi mare mala batudi tothoghei soldia teke tei blau glepo ka nodi namono mae naoka re.

Jajis 11:32

Aonu Jefta batuni nogna armi na ne tei ka vikegna Amon mala magradi mare. Eghuteuna Lord toghoni Jefta ne uluni mare magra igne.

Jajis 15:14

Kate mei Samson Lehi na, soldia di Filistia igre chari ne mei balu eha fabiꞌo. Ka narane tuana, Tharunga gna Lord na ne mei ka Samson, neke farhetani mana. Mana ne kusu phei gnarho teke haru ka mana igre, jateula mae ihei te lolhopa buburu moja ra neu.

Ululahu Samuel 10:10

Kate posa Gibea mae Sol ghe nogna mae gloku na, kaisei tothoghei profet ne mei thafoni mae Sol. Aonu Tharunga gna God na ne mei ka mae Sol, eghuteuna mae Sol ne tei baludi mae profet igre, mare ne ragi balu koje mala kilo fnaknoni God.