Jajis 3:1 - Buka Blahi Ka Cheke Holo

¹ Lord ne snakredi keha naiknodi Kenan mala au ka glose igne. Mana eni igne mala fariuriudi naiknodi Israel mae iheire teke theome tei baludi kmadi ka magra Kenan tifa ra.

Jajis 3:1 ပူးပေါင်းရင်းမြစ်များ

Proveb 17:3

Naikno na tangomana te fariuriudi gol ghe silva ka khaꞌaghi. Nu Lord na tangomana te fariuriuni thiꞌagna naikno na.

Diutronomi 7:22

Lord nomi God ghotilo igne ginauna ngolhi fajifladi mare ka puhi te theome faghose fara. Eghume ghotilo theome tangomana aknu falehedi mare kaisei fata kolho na, naugna jame te eni ghotilo igne na, glepo tautagu te au ka vido tuana ginauna kmana fara eghuteuna glepo igre tangomana te goigoni ghami ghotilo na.

Profet Jeremaea 6:27

Lord ne cheke eghu ka iara, “Jeremaea, iara neke vahi nigho iagho mala jateula mae ihei te gahu silva ka khaꞌaghi te mala khoko thonagna na ia eghu. Iagho fariu riudi nogu naikno iara igre mala laseni puhi te keli ba diꞌa.

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Jajis 2:10

Nu ke leghugna te lehe phagusu igne, iheire te gnafa teke kotu haghe ke leghudi mae igre neke theome ghatho tahuni Lord. Eghuteuna mare theome lasedi glepo biꞌo teke edi Lord ranghidi naiknodi Israel.

Diutronomi 8:16

Eghuteuna mana neke tusu mei ka ghotilo ‘manna’ igne mala ghamu boho ghotilo. Nu gano igne, ghotilo baludi kuꞌemi ghotilo tifara neke theome laseni gano igne. Lord neke eni igne mala thoke ghami ghotilo narane te ninhigrana mala fariuriu ghami ghotilo, nei mala gaoghathomi ghotilo na, eghuteuna ke leghu na Lord neke fablahi ghami ghotilo ka kmana nafnata glepo te keli.

Diutronomi 8:2

Leuleghu fata na ghotilo mala ke ghathoni Lord nomi God mae ihei teke batu ghami ke lamna namono nagou nabagna phiatutu finogha. Mana neke fariuriu ghami ghotilo kate thokedi narane te ninhigrana mala laseni na tangomana ghotilo te leghudi nogna vetula mana re ba theo.

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Ululahu Pita 4:12

Uve kheraguro, thosei nanga nomi ka glepo te para ghami gognaro igre. Glepo igre fariuriudi kolho nomi fatutuani ghotilo re. Uve, glepo te mei ka ghotilo igre theome glepo majaghani.

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Jone 2:24

Nu mae Jisas ne theome snakredi ka naiknore naugna mana thofno lase fakelidi nagnafadi naikno te gnafare.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Fapea Kronikols 32:31

Kate nomhini king gna Babilonia thoutonu eigna God te eni fagaglana igne Juda na, mana ne kurudi keha nogna mae biꞌo mala tei hironi gaoghathogna fagaglana igne. Nu ka narane tuare, God magnahaghei te fariuriuni King Hesekaea mala hironi gaoghathogna unha teke eni mana na, aonu mana ne snakreni Hesekaea mala leghuni gaoghathogna thegna na.

Eksodas 15:25

Aonu mae Moses ne tarai heta ka Lord ne cheke eghu, “Lord, togho ghau iara!” Lord ne falalase ka mae Moses kaisei phugra gaju ikoi. Mae Moses ne atha haghe phugra gaju ikoi tuana ne koko lao ka khoꞌu te raha na. Eghuteuna khoꞌu na neke keli neke naba mala teke koꞌu na. Ka vido igne God ne tusu ranghidi hatimare mae Israel keha vetula nei fariuriudi mare jare mala laseni glahula me leghuni Mana gu theo ghu teu naiknore.

Jajis 1:1

Ke leghugna te lehe mae Josua na, naiknodi Israel igre ne ghusna eghu ka Lord, “Vikegna ihei gne nate kulu tei magra ka naiknodi Kenan igre?”

Jajis 2:23

Naugna igne Lord neke snakredi vikegna Kenan mala au kolho baludi nogna naikno mana te au ka glose igne nei mana theome snakreni Josua te ngolhi fajifladi vike te gnafa igre.

Jajis 3:2

Mana eni igne, mala farirhiudi naiknodi Israel iheire teke theome magra tifa ra mala laseni magra na.