Jajis 21:3 - Buka Blahi Ka Cheke Holo

³ Eghuteuna mare ne tanhi eghu, “Lord, nodi God mae Israel! Naugna unha ne snakreni ka ghehati maemi Israel sagho puhi ignea? Gognarona kaisei vikemi ghehati la namo hui.”

Jajis 21:3 ပူးပေါင်းရင်းမြစ်များ

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Profet Isaia 63:17

Lord, naugna unha sagho te snakre ghami te tei snivi ghehati ka puhimu iagho te keli gnea? Naugna unha sagho te snakre ghami te thufu ghehati te figri fadelei ka iagho gnea? Funu tifa te ghilei mei posa ka narane gognaro igne, ghehati nou naikno iagho, eghuteuna ghehati nou naikno gloku iagho. Iagho ke pulo mei mala togho ghami!

Proveb 19:3

Puhigna mae te fameomekro na goigonini nakarhagna thegna na. Eghume naugna unha si mana te diꞌatagna ka Lord gnea?

Nodi Khoje Hatimare Mae Jiu 80:12

God, naugna unha sagho te snakredi mae naoka gre te mei atha nomi glose ghehati grea? Mare neke tei salaꞌu jare neke blau nomi glepo ghehatire nei mare jaola neke goigonidi gobigna lepore.

Nodi Khoje Hatimare Mae Jiu 74:1

God, naugna unha sagho te figri tagru ghami ghehati gnea? Ghehati gne jateula nou sipu eghu iagho kolho! Ba? Iagho ginauna diꞌatamu fabrahu ka ghehati sia?

Diutronomi 29:24

Eghuteuna naiknodi keha namono are ginauna ghusna eghu, ‘Naugna unha si Lord te goigoni glose ignea? Naugna unha si mana te diꞌatagna fara gnea?’

Jajis 21:2

Ke leghugna magra balugna vikegna Benjamin igne, naiknodi Israel igre neke khapru ka vido blahi Betel eghuteuna mare diꞌanagnafa fara ne tanhi fara ne ghilei rafi.

Jajis 21:4

Hamerane boibongi ka keha narane na, mare ne kaisei olta mala gahu soasopai nafnata fafara mala ke fofodu fakeli balugna Lord.