Jajis 21:25 - Buka Blahi Ka Cheke Holo

²⁵ Ka narane tuare, naiknodi Israel igre neke theome au king neku, aonu mare ne edi unha te doglo ka gaoghathodi thedire kolho.

Jajis 21:25 ပူးပေါင်းရင်းမြစ်များ

Diutronomi 12:8

“Gognarona ghotilo theome tei posa ngau ka glose teke tusu ari Lord ka ghotilo igne. Glose igne nate au fakeli ghotilo tagna ginauna. Eghume gognarona tahati mala fafara leghudi noda gaoghatho theda re. Nu kate tei posa ghotilo ka glose igne na, ghotilo ginauna theome tangomana na teke fafara jateula te edi ghotilo gognarogre teuna.

Jajis 17:6

Ka narane tuana, naiknodi Israel igre theo nodi king ngau, aonu mare edi kolho unha te doglo ka gaoghathodi thedire.

Proveb 3:5

Iagho fatutuani heta ka Lord. Thosei rouronu ka nou glalase themu.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Proveb 14:12

Keha naiknore te ghathoni na, mare ne thofno leghuni nabrou te doglo na eghu. Nu theo eghu, nabrou te leghuni mare igne mala lehe.

Jajis 19:1

Kani theo nodi king teku naiknodi Israel igre, kaisei mae ka vikegna Livae au mata ka thogele ka nogna glose Efrem. Kaisei narane mana hata kaisei fapea khetogna Betlehem jare Juda.

Jajis 18:1

Ka narane tuana, naiknodi Israel theo nodi king ngau. Eghuteuna vikegna Dan hiro glose mala khotogna thedi, naugna mare theome tangomana te uluni glose teke vahini Josua maladi mare teku na jateula keha vikegna Israel eghu.

Nodi Khoje Hatimare Mae Jiu 12:4

“Ghehati ginauna na chekedi unha te magnahaghedi themire, eghuteuna naiknore ginauna leghudi unha te chekedi ghehati re. Naugna foflomi gre thono heta fara. Theo ihei nga te fothi ghami na.”

Jajis 18:7

Aonu glima mae igre ne tei ka namono Lais te khaba ke raru. Ka namono igne glima mae igre laseni te gaoghathodi naiknogna namono tuana muana eghu. Eghuteuna nodi kastom mare na jateula kastom gna namono Saedon eghu, neuba Saedon ne khaba fara ka namono igne. Mare naikno fakmukmu kolho eghuteuna mare theome lase magra ba eni kaisei puhi ka keha naiknore. Eghuteuna mare au kmana famane glepo ka nodi namono na. Eghuteuna mare theome nanga nodi kolho ka keha naikno te au rhedi mare re.

Jajis 21:24

Aonu ka narane tuana, naiknodi Israel igre neke pulo ka tharaknadi nei ka nodi namono aheva God teke tusu ranghidi.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Profet Isaia 66:3

Nu puhimi ghotilore thono diꞌa fara! Ghotilo edi kolho unha te magnahaghedi themi re, theome leghuni puhigu iara na. Eigna iheire te falehe buluka mala fafara ka iara teuna jateula iheire te falehe naikno mala fafara ka nodi god ra eghu. Iheire te falehe sipu mala fafara teuna jateula iheire te lolhopa graragna khuma na te fafara ka nodi god ra eghu. Iheire te fafara sopho ka iara na jateula iheire te fafara dadara bosu ka nodi god ra eghu. Iheire te gahu insens igre jateula iheire te tarai ka mumuju ra eghu.