Jajis 21:2 - Buka Blahi Ka Cheke Holo

² Ke leghugna magra balugna vikegna Benjamin igne, naiknodi Israel igre neke khapru ka vido blahi Betel eghuteuna mare diꞌanagnafa fara ne tanhi fara ne ghilei rafi.

Jajis 21:2 ပူးပေါင်းရင်းမြစ်များ

Jajis 20:26

Armigna Israel igne neke figri Betel eghuteuna mare thono diꞌanagnafadi fara. Mare tanhi ne tanhi ka Lord mala toghodi, eghuteuna mare theome ghamuni kaisei glepo ne ghilei plulu naprai na. Eghuteuna mare gahu sopai nafnata fafara mala tufru soruni mana.

Jajis 20:18

Ame tei nga ka magra teuna maedi Israel igre ne tei Betel mala toreni God, mare ne tarai eghu, “Ihei ka ghehati nate tei magra ka vikegna Benjamin igne?” Lord ne cheke eghu, “Vikegna Juda nate batu ghami ghotilo na.”

Ululahu Samuel 30:4

Mare jaola ne atha phei khetogna mae Devet ra, Ahinoam ghe Abigel. Aonu mae Devet nei nogna mae soldiare eghu ne tanhi ne ghilei glaꞌe soru.

Jajis 21:12

Mare tei magra ne filodi fati gobi gaꞌase majaghani Jabes Gilead, eghuteuna mare hata neke pulo namono Saelo jare nohi Kenan, ka vido aheva te au teu maedi Israel tagna.

Jajis 2:4

Kate cheke te gnafa nogna engel Lord igne ka naiknodi Israel igre na, mare te gnafa na ne kafe tanhi.

Josua 18:1

Ke leghugna te magra te uludi nodi naokare, naiknodi Israel gre mei ne khapru ka namono Saelo ne lisei haghe nogna Suga Tapuale te Blahi Lord na ka vido igne.

Jenesis 27:38

Nu mae Iso ne ghusna eghu ka mae kmagna na, “Ba, mama, neke kaisei fablahi kolho ngala si teke au ka iagho na ia? Mama, iagho toreni God mala fablahi ghaula iara!” Mae Iso ne cheke eghu ne tanhi fabiꞌo.

Jajis 21:3

Eghuteuna mare ne tanhi eghu, “Lord, nodi God mae Israel! Naugna unha ne snakreni ka ghehati maemi Israel sagho puhi ignea? Gognarona kaisei vikemi ghehati la namo hui.”

Ululahu Samuel 11:4

Aonu mare tei ne toutonu nonomho igne Gibea, ka namono aheva te au teu mae Sol. Kate nomhini igne, naiknore ne diꞌanagnafadi fara ne tanhi fabiꞌo.