Jajis 21:14 - Buka Blahi Ka Cheke Holo

¹⁴ Aonu maedi Benjamin igre neke pulo ka nodi namono re, eghuteuna maedi Israel igre hata gaꞌasedi Jabes Gilead igre ne tusu lao ka mare. Nu maedi Benjamin igre kmana fara, aonu gaꞌase igre theome nabadi mare.

Jajis 21:14 ပူးပေါင်းရင်းမြစ်များ

Ululahu Korin 7:2

Nu naugna kmana naikno gnognoro fara, eghume jame te keli na mae nalhaꞌu te gnafare nabagna te hata khetogna thegna, eghuteuna gaꞌase na jaola hata khetogna langau thegna.

Jajis 21:12

Mare tei magra ne filodi fati gobi gaꞌase majaghani Jabes Gilead, eghuteuna mare hata neke pulo namono Saelo jare nohi Kenan, ka vido aheva te au teu maedi Israel tagna.

Jajis 20:47

Nu namno gobi soldia ka armigna Benjamin kolho rikha te tei ka namono nagou na te tei poru ka thina biꞌo Rimon. Mare ne au fati nhigra ka vido igne.

Jajis 21:8

Aonu mare ne ghusna eghu, “Ka narane teke mei khapru tahati ke ulugna Lord Mispa ia, ihei ka vike tahati igne teke theome mei baluda tahati ia?” Aonu kate kaha mare naikno te gnafa re, mare ne laseni te maedi Jabes Gilead igre neke theome mei baludi mare.

Jajis 21:13

Ka narane tuana, mae Israel faidu ne fatei keha mae ka maedi Benjamin te poru teu ka thina biꞌo Rimon, cheke ranghidi mare mae Israel igre magnahaghei pharikeli baludi mare.

Jajis 21:15

Naiknodi Israel igre ne kokhonidi naiknodi Benjamin igre, naugna Lord ne namo ghiha koko kaisei vikegna Israel.

Jajis 21:22

Jame kmadi nei kheradi teu gaꞌase igre neke mei cheke ka ghehati, eghuteuna ghehati ginauna na cheke eghu ka mare, ‘Ghathoni si ghotilo vikegna Israel ia eghuteuna snakredi gaꞌase igre mala au ka vikegna Benjamin. Naugna ka magra ka maedi Jabes Gilead ia, tahati neke theome hata naba gaꞌase maladi mare. Eghuteuna naugna ghotilo neke theome snakre laodi gaꞌase igre ka vikegna Benjamin, ghotilo theome huhughuni nhaꞌa cheke teke eni tahati ia.’ ”