Jajis 20:5 - Buka Blahi Ka Cheke Holo

⁵ Ka bongi tuana keha mae ka namono igne mei falithuini suga te au ghepa na. Eghuteuna mare magnahaghei te aknu falehe ghau iara. Nu mare hata fapea khetogu iara na neke repini naꞌa neke ghilei lehe.

Jajis 20:5 ပူးပေါင်းရင်းမြစ်များ

Jajis 19:22

Kate ghamu glealeꞌa teu mare na, kaisei tothoghei mae te diꞌa ka namono igne falithuini suga na tutini grengatha na ne eha eghu, “Iagho hata mei mae te mei ka sugamu iagho agne ia, mala lalahu nomi ka mana.”

Diutronomi 22:24

Jame te eghu na, ghotilo hatadi repa tei ke kosi grengathagna nomi namono na mala fadi thinadi mala ghilei lehe repa. Gaꞌase igne mala lehe, naugna kate eni mae igne puhi te diꞌa na ka naꞌa na, naꞌa au nekeu ka nomi namono ghotilo na eghuteuna naꞌa neke theome ehani kaisei naikno mala mei toghoni. Eghuteuna mae tuana nabagna te lehe naugna mana ne goigonini khetogna keha mae na. Eghume te keli na ghotilo koko puhi te diꞌa igne ka ghotilo.

Diutronomi 22:21

Jame te tutuani na, hatimare mae lida mala hata tei gaꞌase igne ka grengatha gna nogna suga mae kmagna na. Aonu mae nalhaꞌugna namono na fadini naꞌa ka thina ghilei lehe naꞌa. Gaꞌase igne neke jafra kani au teku ka suga gna kmagna na eghuteuna naꞌa ne famamajadi naiknodi Israel. Eghume ka puhi igne, ghotilo koko puhi te diꞌa igne.”

Jajis 19:28

Mana ne cheke eghu ka naꞌa, “Kegra haghe age noda!” Nu gaꞌase igne theome cheke, aonu mana pala haghe thinigna na ka nogna dongki na hata ne tei ka namono.

Levitikas 18:24

“Thuagna nafnata puhi igre tangomana te fathona ghami ka tathagu iara na, eghume ghotilo thosei eni glepo te diꞌa igne. Tharaknagna Kenan igne neke edi nafnata glepo igre neke theome klino mare ka tathagu iara na, eigna iara ginauna ngolhi fajifladi eghuteuna tusu ari nodi glose mare na ka ghotilo.

Josua 7:15

Eghuteuna mae ihei teke hata glepo mala nako ka khaꞌaghi teku ra tuana nate gnubra falehe ghotilo ka khaꞌaghi balu tharaknagna nei nogna gobigna lepo fateote'o. Naugna mae tuana ne eni kaisei najafra biꞌo te thono diꞌa fara ne ranghini Israel. Eghuteuna mae tuana jaola ne huhughuni nogu cheke iara na.”