Jajis 20:45 - Buka Blahi Ka Cheke Holo

⁴⁵ Nu kehare rikha ne tei ka namono nagou na mala poru ka thina biꞌo Rimon. Armigna Israel igne ne aknu falehe keha glima thogha mae ka nabrou na. Eghuteuna mare ne ngolhi leghudi mae iheire te rikha te tei namono Gidom igre ne aknu falehe keha phei thogha mae.

Jajis 20:45 ပူးပေါင်းရင်းမြစ်များ

Josua 15:32

nei Lebaeot, nei Silhim, nei Aen, nei Rimon. Igre varadaki nhevai namono te au ka rijon tuana baludi namono ikodi te au faligohodi mare.

Jajis 21:13

Ka narane tuana, mae Israel faidu ne fatei keha mae ka maedi Benjamin te poru teu ka thina biꞌo Rimon, cheke ranghidi mare mae Israel igre magnahaghei pharikeli baludi mare.

Profet Sekaraea 14:10

Eghuteuna ka vido te gnafa ka glose igne, funu ke raru Geba tei posa ke mata Rimon, ginauna nake sare. Nu Jerusalem ginauna au thegna ka nogna vido kligna ka thogele. Gringni gna na ginauna funu ka Grengatha gna Benjamin tei ka Grengatha Tifa na tei posa fei Grengatha Sulukhu. Eghuteuna funu ka nogna suga mala toetoe mae Hananel, tei thokeni nogna vido mala ei waen malagna king.

Ululahu Kronikols 6:77

Keha ka namono igre, mare tusu lao ka vikegna mae Merari. Namono igre au ka nodi vido glose vikegna mae Sebulun, nei ka nodi vido glose vikegna mae Ruben. Igre nanghadi namono te au ka nodi vido glose vikegna mae Sebulun re: Rimono ghe Tebo.

Jajis 20:44

Ka narane tuana, mare ne aknu falehe nabotho nhana thogha soldia rhetadi Benjamin.

Jajis 20:46

Khaputudi armigna Benjamin te lehe ka narane tuana varadaki glima thogha soldia mae iheire te lase magra fara nei mae iheire te au naflahi mala magra.