Jajis 20:41 - Buka Blahi Ka Cheke Holo

⁴¹ Aonu mae iheire teke rikha chaghi igre figri leghu neke magra. Aonu armigna Benjamin igne ne mhaghu nodi fara eghuteuna mare theome laseni unha nate eni na, naugna mare filo glani te naiknore ginauna kafe lehe.

Jajis 20:41 ပူးပေါင်းရင်းမြစ်များ

Fapea Pita 2:12

Nu mae velepuhi chaichaghi igre theome tangomana ghaoghatho fakeli nei mare cheke fadiꞌadi unha glepo te theome lasedire. Eghume God ginauna roꞌedi mare jateula naikno te falehe bosu ra eghu. Nu ghotilo laseni bosu na mala lolhoku nei falehe.

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Luku 21:26

Gobigna lepo ka maloa gne ginauna kheu tongana ba nhogri. Naugna igne, naiknore ginauna mhaghu fara ghilei fnuda. Mare ginauna faꞌihodi ka ofoni teu unha nate eni ka nauthoglu tongana igne.

Profet Isaia 33:14

Gognarona naiknodi Jerusalem te leghuni puhi nakhibo na mare nanga nodi nei mhaghu nodi eghu fara, eghuteuna mare neke cheke eghu, “Nogna faefate Lord na jateula khaꞌaghi te brana fara te gnhubra fateo gobigna lepora eghu, eghuteuna theome tangomana kaisei naikno naba te lao au namo rhegna khaꞌaghi igne.”

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Proveb 11:5

Puhigna mae te keli na thofno doglo fabrahu. Nu puhigna naikno te diꞌa na tangomana te goigonini thegna na.

Proveb 11:6

Puhigna ihei te doglo na, tangomana te fakarhini mana na. Nu mae te diꞌa na khale ka gaoghathogna te diꞌa na.

Proveb 29:6

Nakhibogna naikno te diꞌa na haru famakuni mana jateula phighoro eghu. Nu naikno te doglo na snagla nogna, eghuteuna mana tangomana te koje nei glealeꞌa teuna.

Josua 8:20

Mae Josua baludi nogna mae soldiare ne filoni gagahu te haghe ka namono na. Kate filoni igne, mare laseni keha mae soldia ka mare ra la hatahi namono igne. Aonu hatimare maedi Ai igre jaola ne filoni gagahu igne te haghe ka nodi namono na, eghuteuna mare laseni te theo kaisei vido aheva nga nate rikha mare te tei poru na.