Jajis 20:3 - Buka Blahi Ka Cheke Holo

^3-4 Ka narane tuana, vikegna Benjamin igre mare nomhini thoutonu te salofodu mare Mispa igne. Aonu, mae lida di Israel igre ne kiloni kaisei mae Livaet eigna khetogna mana teke aknu falehe keha maedi Gibea, mare ne ghusna eghu ka mana, “Ghehati magnahaghei te nomhini neke faꞌunha nekeu neke eni si glepo te diꞌa ignea?” Aonu mae Livaet igne ne cheke eghu, “Iara balugna gaꞌase igne, ghepa mei neke thuru Gibea ka namono vikegna mae Benjamin.

Jajis 20:3 ပူးပေါင်းရင်းမြစ်များ

Matiu 5:25

“Mae ihei te magnahaghei hata nigho kau fate eigna unha teke eni fadiꞌa iagho ranghini na, iagho ghosei tei fadoglini ka mana puhi tuana. Te theo iagho na, mana ginauna na hata tei nigho ka mae mala fate. Eghuteuna, mae mala fate na ginauna snakre tei nigho ka hatimare mae pulisire. Aonu, mare ginauna hata tei nigho kau suga sosolo.

Proveb 22:3

Mae te lalase na filo glani puhi biꞌo na tei poru ka vido te keli. Mae te fameomekro na theome gnafa ka puhi biꞌo.

Jajis 20:2

Mae mala baubatu te gnafa ka vike te gna Israel igre ne kaisei loku fodu baludi naiknore. Eghuteuna khaputudi mae soldia igre thokeni fati gobi thogha, eghuteuna mare te gnafa na kafe loku naflahi mala magra.

Diutronomi 13:15

ghotilo ginauna hata naflahi mala aknu falehedi naiknogna namono tuana. Eghuteuna ghotilo mala jaola aknu falehe hui nodi buluka, sipu, nanigot nei dongki teure. Eghuteuna ghotilo mala goigoni fahui namono tuana.

Jajis 20:12

Mare ne kurudi mae mala hata nonomho mala tei heva heva ka nodi namono te gnafa vikegna Benjamin mala cheke eghu ka mare, “Ghotilo neke eni puhi te thofno diꞌa fara igne!