Jajis 20:27 - Buka Blahi Ka Cheke Holo

^27-28 Ka narane tuana, nogna Bokis Blahi Nhaꞌa Cheke Lord na au Betel, eghuteuna pris biꞌo Finihas thugna Eleasa thugna Eron te reireghigna na. Aonu mare ne cheke eghu ka Lord, “Ba, ghehati ginauna nake puloi ka magra ba theo?” Eghuteuna Lord ne cheke eghu ka mare, “Uve, ke puloi si ghotilo. Nathuꞌu, iara ginauna snakre aridi mare ka khamemi ghotilo.”

Jajis 20:27 ပူးပေါင်းရင်းမြစ်များ

Josua 18:1

Ke leghugna te magra te uludi nodi naokare, naiknodi Israel gre mei ne khapru ka namono Saelo ne lisei haghe nogna Suga Tapuale te Blahi Lord na ka vido igne.

Jajis 20:18

Ame tei nga ka magra teuna maedi Israel igre ne tei Betel mala toreni God, mare ne tarai eghu, “Ihei ka ghehati nate tei magra ka vikegna Benjamin igne?” Lord ne cheke eghu, “Vikegna Juda nate batu ghami ghotilo na.”

Profet Jeremaea 7:12

“ ‘Ghotilo neke tei Saelo neke filodi unha teke edi iara ka namono biꞌo tuana. Ulu lahu na iara neke vahini namono igne mala pogho soru ghau iara mae kuꞌemi ghotilo tifa ra. Nu iara neke filoni puhi te diꞌa teke eni mare na.

Profet Isaia 59:1

Tutuani fara, Lord na au nolaghi biꞌo te mala fakarhi ghami ghotilo na. Mana tangomana te fanomho kate tore ghotilo mala togho ghami teuna.

Naba 27:21

Eghuteuna mana mala lelheghu kolho ka mae pris Eleasa mala tangomana mana te lasedi gaoghathogu iara re. Mae pris igne ginauna eni ka nafnata thina te kiloni Urim nei Thumim mala lalahu khale ke ulugu iara Lord, mala lasedi gobigna lepo te magnahaghedi iara re. Eghume ka puhi igne, iara ginauna batuni mana baludi naiknodi Israel gre ka gobigna lepo te edi mare re.”

Jajis 1:1

Ke leghugna te lehe mae Josua na, naiknodi Israel igre ne ghusna eghu ka Lord, “Vikegna ihei gne nate kulu tei magra ka naiknodi Kenan igre?”

Ululahu Samuel 10:3

“Eghuteuna kate jifla iagho ka vido igne te tei thoke Tekoa ka gaju blahi na, iagho na filoni kaisei fagaglana. Eghuteuna iagho ginauna thafodi thilo mae te tei fafara God Betel. Kaisei mae na korho thilo sua nanigot, keha mae na hata thilo bret blahi balugna, eghuteuna fatilo mae na pala kaisei duku guli nanigot te fodu ka waen.

Fapea Samuel 7:6

Iara theome au ka suga biꞌo. Theo. Funu ka narane teke hata fapulo iara Ijep naiknodi Israel tifa ra, iara au kolho ka suga tapuale ghilei mei posa ka narane gognarogne.