Jajis 20:26 - Buka Blahi Ka Cheke Holo

²⁶ Armigna Israel igne neke figri Betel eghuteuna mare thono diꞌanagnafadi fara. Mare tanhi ne tanhi ka Lord mala toghodi, eghuteuna mare theome ghamuni kaisei glepo ne ghilei plulu naprai na. Eghuteuna mare gahu sopai nafnata fafara mala tufru soruni mana.

Jajis 20:26 ပူးပေါင်းရင်းမြစ်များ

Esra 8:21

Kate au teu ghehati ka gerigna khoꞌu biꞌo Ahava igne, iara ne cheke ka mae iheire te khapru teu ka vido igne mala thosei ghamu nei nhaꞌa fapari ghami themi ke ulugna God. Eghuteuna ghehati toreni mana mala batu ghami ka nabrou na nei reireghi fakelidi thumi nei nomi gobigna lepore.

Jajis 20:18

Ame tei nga ka magra teuna maedi Israel igre ne tei Betel mala toreni God, mare ne tarai eghu, “Ihei ka ghehati nate tei magra ka vikegna Benjamin igne?” Lord ne cheke eghu, “Vikegna Juda nate batu ghami ghotilo na.”

Profet Joel 1:14

Kilo fodu meidi naikno ra mala cheke faheta ranghidi mala thosei ima kaisei gano. Uve, kafe kilo meidi mae mala baubatu nei naiknodi Juda teura mala kafe mei ruma haghe ka Suga gna Lord noda God mala tanhi ka mana.

Fapea Kronikols 20:3

King Jehosafat nomhini igne ne mhaghu nogna fara, aonu mana ne tarai ka Lord. Mana ne fatei cheke ka naiknodi Juda mala dangna ka vido narane te mala tarai igre.

Ululahu Samuel 7:6

Aonu mare ne kafe khapru Mispa balugna mae Samuel mae ihei te nodi mae funei mare na. Eghuteuna mare ne krisu khoꞌu ne tofa soru ka glose na jateula fafara eghu ka Lord. Eghuteuna mare ne theome ghamu kaisei narane thongana, eghuteuna mare ne cheke thakleni eigna mare te tapla jafra fara ka tathagna Lord na.

Jajis 20:25

Nu ka fapea narane ka magra igne, nogna armi Benjamin igne ne jifla mei Gibea ne aknu falehe nabotho nhana thogha soldia di Israel te loku naflahi mala magra.

Jajis 21:2

Ke leghugna magra balugna vikegna Benjamin igne, naiknodi Israel igre neke khapru ka vido blahi Betel eghuteuna mare diꞌanagnafa fara ne tanhi fara ne ghilei rafi.

Ululahu Samuel 11:4

Aonu mare tei ne toutonu nonomho igne Gibea, ka namono aheva te au teu mae Sol. Kate nomhini igne, naiknore ne diꞌanagnafadi fara ne tanhi fabiꞌo.

Jenesis 28:19

Mana ne kiloni vido igne Betel, gaoghathogna nangha igne sugagna God eghu. Tifa na mare neke kiloni namono igne Lus.

Josua 7:6

Kate nomhini mae Josua baludi mae mala baubatudi Israel igre nonomho igne, mare ne diꞌanagnafadi fara. Aonu mare ne rerheku nodi pohere balu ghiha nakrofu ka phaꞌudire, fagaglanagna nodi diꞌanagnafa na. Ke leghu, mare tei ne pogho soru pari ka glose na tathadi nei foflodi teure ke ulugna nogna Bokis Nhaꞌa Cheke Lord na ne ghilei rafi.

Josua 24:1

Josua ne cheke ka vike te gnafa Israel mala kafe mei ka namono Sekem. Kate thoke mare ka vido igne, mana ne kilodi mae biꞌo nei mae mala baubatu, nei hatimare mae funei, nei mae komanda mala mei kegra ke ulugna nogna Suga Tapuale te Blahi Lord.

Jajis 21:4

Hamerane boibongi ka keha narane na, mare ne kaisei olta mala gahu soasopai nafnata fafara mala ke fofodu fakeli balugna Lord.

Fapea Samuel 3:35

Ka narane igne naiknore toreni king mala ghamu. Nu mana tirogna ne nhaꞌa cheke eghu, “Iara ginauna na tirogu ghamu bret, ba kaisei glepo ghilei plulu naprai! Nu jame theome plulu teu naprai na te ghamu iara na, God ginauna falehe ghau iara.”