Jajis 20:21 - Buka Blahi Ka Cheke Holo

²¹ Nu nogna armi Benjamin igne ne jifla mei ka namono igne ne magra ka armigna Israel. Ka narane tuana, mare ne aknu falehe varadaki phei thogha soldia ka armigna Israel.

Jajis 20:21 ပူးပေါင်းရင်းမြစ်များ

Jajis 20:25

Nu ka fapea narane ka magra igne, nogna armi Benjamin igne ne jifla mei Gibea ne aknu falehe nabotho nhana thogha soldia di Israel te loku naflahi mala magra.

Profet Hosia 10:9

Lord ne cheke eghu, “Naikno igre tapla jafra ka nakhibo funu ka namono Gilead ghilei mei posa ka narane gognarogne. Naikno igre theome gnafa te eni puhi te diꞌa na ranghi ghau iara. Gognaro na mare theome tughu nagnafa kolho. Naugna igne, kaisei magra biꞌo ginauna posa mei ka mare jateula teke eni ka mae kuꞌedi ka namono Gilead tifa ia eghu.

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Nodi Khoje Hatimare Mae Jiu 77:19

Iagho neke nonolo ke kligna galo, eghuteuna iagho neke kasa farihotei nhorora, nu theo kolho kaisei naikno teke filo nigho na eghu.

Nodi Khoje Hatimare Mae Jiu 33:16

Theo kaisei armi biꞌo ba kaisei mae soldia te nheta fara te mala tapla sorudi nogna naokare ka nogna nanheta thegna te mala fakarhini nodi mae king na.

Fapea Kronikols 28:10

Eghuteuna gognarona ghotilo magnahaghedi keha naiknodi Jerusalem nei Juda eghu mala nomi naikno sneka ghotilo. Ba, ghotilo gaoghathomi na theome naba te papara eidi nakhibo te edi ghotilo ranghini Lord are?

Diutronomi 23:9

Mae Moses ne cheke eghu, “Kate tei ghotilo te au ka kaisei namono te mala magra ka nomi naokare, ghotilo faghuai eghu mala theo kaisei glepo te fathona ghami ghotilo ka tathagna Lord.

Jenesis 49:27

“Iagho mae Benjamin ia, vikemu iagho re ginauna mala jateula kaisei khuma te fakaukathu ra eghu. Narane thongana na tei hamerane nei grafi teuna mana na tei tongana falehedi nogna naokare mala ghamu ghegna. Ginauna na jateula tuana eghu vikemu iagho re.”

Jajis 20:20

Mare tarabana mala tei magra ka nogna armi Benjamin ka namono igne.

Jajis 20:22

Armigna Israel igne diꞌanagnafadi fara neke figri ka vido blahi na, eghuteuna mare tei ne tanhi ka Lord ne ghilei plulu naprai na. Mare ne cheke eghu, “Ba, ghehati ginauna nake figri ke magridi kherami ghehati ra, ba theo?” Eghuteuna Lord ne cheke eghu ka mare, “Uve, ghotilo ke pulo.” Cheke igne neke farhetani gaoghathodi mare na. Ka keha narane na, mare neke puloi Gibea ne tei kegra ka vido aheva teke kegra mare tagna teke magra ia.

Nodi Khoje Hatimare Mae Jiu 78:62

Mana neke diꞌatagna fara ka nogna naiknore, aonu mana snakredi mae naokare mala falehedi nogna naiknore.