Jajis 20:2 - Buka Blahi Ka Cheke Holo

² Mae mala baubatu te gnafa ka vike te gna Israel igre ne kaisei loku fodu baludi naiknore. Eghuteuna khaputudi mae soldia igre thokeni fati gobi thogha, eghuteuna mare te gnafa na kafe loku naflahi mala magra.

Jajis 20:2 ပူးပေါင်းရင်းမြစ်များ

Jajis 8:10

King Seba ghe Salmuna baludi nodi soldia re phiamare tei ne au namono Kakoa. Ulu lahu na soldia ka armigna Midian teke jifla mei ke maghati namono nagou igre kmana fara, nu naiknodi Israel igre ne aknu falehe kaisei gobi varadaki thogha soldia. Eghume phei king igre au nabotho glima thogha soldia kolho baludi.

Jajis 20:17

Nu keha vikegna Israel igne au fati gobi thogha soldia te lase magra, eghuteuna mare te gnafa na kafe au naflahi mala magra.

Fapea Kings 3:26

Kate filoni King Mesa gna Moab te theome nheta hila na, mana ne hata fitu gobi soldia te lase magra ka naflahi ne jifla ne tei magra rhegna mae king gna Idom, nu soldia di Moab faꞌiho te jifla te tei na.

Fapea Samuel 24:9

Aonu mae Joab tei ne toutonu ka king eigna thei mare igne. Eghuteuna khaputudi iheire naba te mala tei ka magra na: Israel nhana gobi thogha mae, eghuteuna Juda glima gobi thogha mae.

Jajis 20:3

Ka narane tuana, vikegna Benjamin igre mare nomhini thoutonu te salofodu mare Mispa igne. Aonu, mae lida di Israel igre ne kiloni kaisei mae Livaet eigna khetogna mana teke aknu falehe keha maedi Gibea, mare ne ghusna eghu ka mana, “Ghehati magnahaghei te nomhini neke faꞌunha nekeu neke eni si glepo te diꞌa ignea?” Aonu mae Livaet igne ne cheke eghu, “Iara balugna gaꞌase igne, ghepa mei neke thuru Gibea ka namono vikegna mae Benjamin.

Ululahu Samuel 11:8

Aonu mae Sol ne chekedi naiknore mala kafe tei Besek. Ka narane igne mana hata thilo gobi thogha soldia Israel, eghuteuna tolufulu thogha soldia Juda.

Josua 22:12

naiknodi Israel ne kafe haghe Saelo mala tei magra ka mae iheire te eni olta igne.

Fapea Samuel 14:13

Aonu naikno biꞌo igne ne cheke eghu, “Naugna unha sagho te eni nafnata puhi te diꞌa igne ka tathadi nogna naikno God igrea? Iagho khi fajiflani kaisei thumu, eghuteuna iagho theome snakreni mana teke pulo mei agne na! Eghume, ka nou cheke iagho te edi ka iara igre, iagho khogla fate nigho themu kolho.”