Jajis 20:10 - Buka Blahi Ka Cheke Holo

¹⁰ Eghuteuna tahati na tufa soldia igre ka nabotho tothoghei. Kaisei tothoghei mala reireghi gheda gano. Eghuteuna tahati keha tothoghei ra, tahati ginauna tei mala ke tughu fapulo ka maedi Gibea glepo te diꞌa te gnafa teke edi mare ka tahati maeda Israel.”

Jajis 20:10 ပူးပေါင်းရင်းမြစ်များ

Jajis 20:9

Nu tahati na toreni God mala laseni ihei ka tahati nate tei magra ka maedi Gibea.

Jajis 20:11

Aonu mare te gnafa na ne loku fodu jateula kaisei tothoghei neu kolho nei kaisei gaoghatho mala tei magra ka naiknodi Gibea.

Levitikas 18:24

“Thuagna nafnata puhi igre tangomana te fathona ghami ka tathagu iara na, eghume ghotilo thosei eni glepo te diꞌa igne. Tharaknagna Kenan igne neke edi nafnata glepo igre neke theome klino mare ka tathagu iara na, eigna iara ginauna ngolhi fajifladi eghuteuna tusu ari nodi glose mare na ka ghotilo.

Diutronomi 22:21

Jame te tutuani na, hatimare mae lida mala hata tei gaꞌase igne ka grengatha gna nogna suga mae kmagna na. Aonu mae nalhaꞌugna namono na fadini naꞌa ka thina ghilei lehe naꞌa. Gaꞌase igne neke jafra kani au teku ka suga gna kmagna na eghuteuna naꞌa ne famamajadi naiknodi Israel. Eghume ka puhi igne, ghotilo koko puhi te diꞌa igne.”

Josua 7:15

Eghuteuna mae ihei teke hata glepo mala nako ka khaꞌaghi teku ra tuana nate gnubra falehe ghotilo ka khaꞌaghi balu tharaknagna nei nogna gobigna lepo fateote'o. Naugna mae tuana ne eni kaisei najafra biꞌo te thono diꞌa fara ne ranghini Israel. Eghuteuna mae tuana jaola ne huhughuni nogu cheke iara na.”

Jajis 20:6

Ke leghu na, iara hata thinigna na neke vaevahe ka nabotho phei vido, eghuteuna iara neke tufa neke tei ka nabotho phei vikeda tahati ra. Iara eni igne, naugna maedi Gibea igre eni glepo te thono diꞌa fara na ka tahati Israel.

Jajis 21:1

Kani teke khapru mae Israel igre Mispa na, mare ne eni kaisei nhaꞌa cheke eghu, “Ghehati theome snakredi thumi gaꞌase re mala tolaghi ka vikegna Benjamin.”