Jajis 20:1 - Buka Blahi Ka Cheke Holo

¹ Naikno te gnafa Israel igre ne loku fodu jateula kaisei tothoghei neu ne kafe mei ke ulugna Lord jare Mispa. Mare mei funudi ka namono te gnafa, funu ke raru namono Dan, nei ke mata namono Bereseba, nei ka rijon ke maghati Gilead.

Jajis 20:1 ပူးပေါင်းရင်းမြစ်များ

Jajis 11:11

Aonu mana neke pulo baludi mare ka namono Mispa. Eghuteuna naiknodi Gilead igre ne fakegra funeini mana nei mae mala komanda ka armi. Eghuteuna ka narane igre, mana ne nhaꞌa cheke baludi mare ka tathagna Lord.

Fapea Samuel 3:10

Mana neke nhaꞌa cheke ka mae Devet, mana ginauna hata koko nolaghi te mala king igne ka vikegna mae Sol mala tusu lao ka mae Devet. Uve, mana ne eni kaisei nhaꞌa cheke te rheta tulao ka mae Devet mala king frunidi Israel ghe Juda, funu ka namono Dan ke raru na tei posa ka namono Bereseba ke mata na.”

Ululahu Samuel 10:17

Ke leghugna igne, mae Samuel ne kilodi naiknodi Israel re mala haghe Mispa mala nomhini mare chekegna Lord na.

Ululahu Samuel 3:20

Mare te gnafa ka tharaknagna Israel, te funu ka namono Dan ke maghati te tei posa ka namono Bereseba ke mata na, mare tangomana te mala jateula kaisei nogna profet tutuani teu Lord na.

Jajis 21:5

Aonu mare ne cheke eghu fari thedi, “Ba, ka narane teke khapru tahati ke ulugna Lord Mispa ia, ihei ka vike tahati gne teke theome mei baluda tahati na?” Mare ne cheke eghu, naugna ka narane tura mare neke eni kaisei nhaꞌa cheke eghu, “Jame kaisei mae ka tahati theome mei baluda tahati ke ulugna Lord gognarogne, tahati ginauna aknu faleheni.”

Josua 22:12

naiknodi Israel ne kafe haghe Saelo mala tei magra ka mae iheire te eni olta igne.

Nehemaea 8:1

Kate namo thoke ka fafitu nhigra ka finogha igne, vikegna Israel igne neke au fakeli ka nodi namonore. Ka narane tuana naiknore ne mei Jerusalem ne khapru ka glalaba biꞌo ke ulugna Grengatha Mala Hata Khoꞌu igne. Mare ne kilo meini Pris Esra, mae ihei te mae velepuhigna Vetula teke cheke mei God ka mae Moses mala leghuni naiknodi Israel, eghuteuna mare toreni mae Esra mala hata mei buka gna Vetula igne.

Fapea Samuel 24:2

Aonu mae Devet ne cheke eghu ka mae Joab, “Ghema Joab, iagho hata balumu mae komanda ka armi ra mala tei ka vike te gnafa Israel ra mala kahadi mae iheire naba te mala tei ka magra. Ghotilo fufunu ke raru namono Dan tei posa ke mata namono Bereseba. Iara magnahaghei te laseni niha mae te au ka namono igre.”

Esra 3:1

Naiknodi Israel igre neke pulo mei neke au fakeli ka nodi namono re. Eghuteuna kate namo mei fafitu nhigra ka finogha igne mare mei ne salofodu Jerusalem.

Fapea Kronikols 30:5

Ka narane tuana, mare ne fatei cheke ka naikno te gnafa Israel, funu ka namono Bereseba ke mata Juda, tei posa ka namono Dan ke raru Israel. Mare ne kilo fodu meidi naiknore Jerusalem mala eni Gaghamu Ghasa-Polho igne. Eghuteuna khaputudi naikno teke mei ka narane igne salaꞌudi naikno teke mei ka keha narane tifeiro ra.

Ululahu Kronikols 21:2

Aonu king ne cheke eghu ka mae Joab nei hatimare mae komanda ka armi, “Ghotilo tei kaha naiknodi Israel, eghuteuna ghotilo kahadi mae iheire te nabadi te tei ka magra. Ghotilo mala fufunu ka namono Dan ke raru, tei posa ka namono Bereseba ke mata. Ghotilo mala ripot ka iara mala tangomana iara te lasedi niha naikno te au na.”

Fapea Kings 25:23

Kate nomhini keha mae armi komanda di Juda teke tei poru teku ke kosi Jerusalem igre king gna Babilon te vahini mae Gedalaea te mala gavana gna provins igne, mae igre tei ne filoni mana Mispa: mae Ismael, thugna mae Netania, thugna mae Elisama, mae Johanan thugna mae Karea, mae Seraia thugna mae Tamumet maegna Netofa, nei mae Jasania maegna ka namono Maka.

Fapea Samuel 19:14

Aonu nogna cheke mae Devet igre ne doglo ka gaoghathodi naiknodi Juda igre ne kaisei gaoghatho te mala toghoni mana na. Eghuteuna mare ne fatei cheke ka mana nei ka nogna naikno manare eghu mala ke pulo mei Jerusalem.

Fapea Samuel 2:9

Jare mare ne fablahini mae Isboset mala nodi king mae Israel. Mae Isboset ne king frunidi phei rijon, Gilead ghe Jesrel. Mana jaola ne fiofilodi nohi Asa, Efrem nei Benjamin.

Jajis 20:26

Armigna Israel igne neke figri Betel eghuteuna mare thono diꞌanagnafadi fara. Mare tanhi ne tanhi ka Lord mala toghodi, eghuteuna mare theome ghamuni kaisei glepo ne ghilei plulu naprai na. Eghuteuna mare gahu sopai nafnata fafara mala tufru soruni mana.

Jajis 20:18

Ame tei nga ka magra teuna maedi Israel igre ne tei Betel mala toreni God, mare ne tarai eghu, “Ihei ka ghehati nate tei magra ka vikegna Benjamin igne?” Lord ne cheke eghu, “Vikegna Juda nate batu ghami ghotilo na.”

Jajis 20:11

Aonu mare te gnafa na ne loku fodu jateula kaisei tothoghei neu kolho nei kaisei gaoghatho mala tei magra ka naiknodi Gibea.

Jajis 20:8

Eghuteuna mare te gnafa na ne kaisei gaoghatho ne cheke eghu, “Theo kaisei ka tahati na teke figri ka namono na!

Jajis 20:2

Mae mala baubatu te gnafa ka vike te gna Israel igre ne kaisei loku fodu baludi naiknore. Eghuteuna khaputudi mae soldia igre thokeni fati gobi thogha, eghuteuna mare te gnafa na kafe loku naflahi mala magra.

Jajis 18:29

Aonu mare neke tughu nangha namono Lais teu igne neke kiloni Dan, nanghagna kuꞌedi mare tifa thugna Jekop.

Jajis 10:17

Ka narane tuare armigna Amon ne tarabana mala magra, eghuteuna mare mei ne au rijon Gilead. Eghuteuna naiknodi Israel igre jaola ne mei au ka namono Mispa ka rijon igne.

Josua 17:1

Aonu mare ne snakre lao glose ke mosu Khoꞌu biꞌo Jordan igne ka vikegna mae Manase thugna ululahu mae Josep. Nanghagna thugna nalhaꞌu ululahu mae Manase na mae Makia, eghuteuna thugna mana na mae Gilead. Eghuteuna mae Moses neke tusu laohi phei glose igre Gilead ghe Basan te au ke maghati khoꞌu Jordan igre naugna mae igre mae soldia keli.

Naba 32:1

Vikegna mae Ruben, nei vikegna mae Gad teure au nodi kmana buluka, sipu, nanigot, nei dongki neu. Mare ne filoni nohi Gilead te keli fara na nei keha vido te au faligohoni namono Jasea teure ne keli fara la te mala faghamudi buluka, sipu, nei nanigot teure.

Josua 18:26

nei Mispa, nei Kefira, nei Mosa,

Josua 15:38

nei Dilean, nei Mispa, nei Joktel,

Naba 32:40

Aonu mae Moses ne tusu lao rijon Gilead gne ka vikegna mae Makia mala fabrahu mare tagna.

Profet Jeremaea 40:6

Aonu mae Jeremaea tei Mispa ne au balugna mae Gedalaea, thugna mae Ahikam, farihoteidi naikno teke au faleghu teku ka nodi namono re.

Josua 4:13

Jame phiatutu thogha soldia tarabana mala magra ne salaꞌu ke ulugna Lord ne tei ne kegra ka sare rhegna Jeriko.

Josua 22:9

Soldia ka vikegna Ruben, nei ka vikegna Gad, nei ka vikegna Manase teu igre neke pulo ka nodi namonore. Mare jifla kokodi kheradire mala au faleghu ka namono Saelo jare Kenan, mala ke figri ka namono biꞌo Gilead aheva te thofno khotogna mare na, leghuni unha teke chekeni Lord ka Moses tifa.

Jajis 11:34

Jefta au kaisei thugna gaꞌase kolho, mana theo kaisei thugna nalhaꞌu. Kate pulo mei Jefta Mispa ka nogna namono na, thugna gaꞌase mana na jifla mei ne thafoni mana. Naꞌa ragi ne jifla mei balu nogna tamborin.

Ululahu Kings 5:5

Eghume, gognarona iara magnahaghei te babana kaisei Sugablahi te mala kilo fnaknoni nanghagna Lord nogu God, jateula Lord teke chekeni mana ka mae kmagu iara Devet. Lord neke cheke eghu ka mana, ‘Mae thumu iagho mae ihei nate gnokro ka sape nafnakno te mala tughu nigho iagho igne ginauna babana Sugablahi te mala kilo fnaknoni nanghagu iara na.’

Nehemaea 11:27

nei Hasasual, nei Bereseba baludi namono te au rhegnai,