Jajis 2:20 - Buka Blahi Ka Cheke Holo

²⁰ Aonu Lord ne diꞌatagna fara ka mare ne cheke eghu, “Naiknodi Israel igre huhughuni nhaꞌa cheke teke chekeni iara ka kuꞌedi mare tifa mala tathaji mare teku ia. Naugna te theome leghu ghau iara mare na,

Jajis 2:20 ပူးပေါင်းရင်းမြစ်များ

Jajis 2:14

Diꞌatagna Lord na ne thono brana fara ka mare ne snakre laodi ka khamedi nodi naoka te au faligohodi mare. Eghuteuna nodi naoka mare igre raꞌe ne nheta fara, eghuteuna naiknodi Israel igre ne theome tangomana te reireghidi thedire. Eghuteuna naoka igre blau koba nodi gobigna lepo re.

Josua 23:16

Lord na noda God tahati. Jame te huhughuni ghotilo nogna nhaꞌa cheke mana teke eni baluda tahati ia, eghuteuna jame te tei ghotilo te pogho soru ka keha god delei na, mana ginauna diꞌatagna fara ka ghotilo eghuteuna ginauna thofno para ghami ghotilo. Eghuteuna jame te eghu ghotilo na, theo kaisei ka ghotilo nate au ka famane glose teke tusu ari mana ka ghotilo ana.”

Profet Esikiel 20:37

Iara ginauna huhuru ghami ghotilo mala leghuni u nhaꞌa cheke teke eni iara balumi ghotilo ia, eghuteuna fofota naikno te diꞌa re ka naikno te keli re eghu, jateula mae ihei te greireghi sipu te fofota nogna sipsip ra eghu.

Profet Jeremaea 31:32

Nhaꞌa cheke igne ginauna na theome jateula nhaꞌa cheke teke eni iara ka kuꞌedi mare tifa kani teke baubatudi teke jifla iara ka kantri Ijep. Uve, neuba iara ne namhadi fara jateula mae ihei te namhani khetogna na ia neu, mare neke huhughuni nhaꞌa cheke tuana.

Jajis 10:7

Aonu Lord ne diꞌatagna fara ka naiknodi Israel ne lisa lao ka vikegna Filistia ke mosu nei vikegna Amon ke maghati mala mei magra ka mare.

Jajis 3:8

Aonu Lord brana ne salaꞌui diꞌatagna na ranghini Israel. Eghuteuna mana ne snakre laodi ka khamegna King Kusan-Risataem gna Mesopotemia, mala uludi mare ka magra. Eghuteuna mare ne au ke parigna mana nabagna nhana finogha.

Diutronomi 32:22

Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.

Jajis 2:19

Nu kate lehe mae lida na, mare te gnafa na ke puloi ngala ke leghudi puhi te diꞌare. Eghuteuna mare edi fabrahu glepo te thono diꞌa fara salaꞌudi puhidi kmadi tifa ra. Mare leghudi nei tarai eghu ka keha god delei. Eghuteuna leghu fata kolho, mare patugama fabrahu nei theome tangomana te lisa kokodi puhi te diꞌa re.

Nodi Khoje Hatimare Mae Jiu 78:10

Mare neke theome leghuni kolho u nhaꞌa cheke teke eni God ka mare na, nei mare jaola neke tirodi te leghudi kolho nogna vetula mana re.

Naba 32:13

Lord ne diꞌatagna fara ka naiknodi Israel ne fanolo tafridi mare ka namono nagou na nabagna phiatutu finogha ghilei lehe thudi, nei gradi teu mae iheire teke edi puhi te diꞌa tifara.

Fapea Samuel 24:1

Lord ne diꞌatagna ka naiknodi Israel. Aonu mana ne tusu lao gaoghatho ka mae Devet mala eꞌei puhi biꞌo ka mare. Lord ne cheke eghu ka mae Devet, “Iagho tei kaha naiknodi Israel ghe Juda.”

Nodi Khoje Hatimare Mae Jiu 106:40

Aonu Lord ne thono diꞌatagna fara ne tirognadi nogna naiknore.