Jajis 2:19 - Buka Blahi Ka Cheke Holo

¹⁹ Nu kate lehe mae lida na, mare te gnafa na ke puloi ngala ke leghudi puhi te diꞌare. Eghuteuna mare edi fabrahu glepo te thono diꞌa fara salaꞌudi puhidi kmadi tifa ra. Mare leghudi nei tarai eghu ka keha god delei. Eghuteuna leghu fata kolho, mare patugama fabrahu nei theome tangomana te lisa kokodi puhi te diꞌa re.

Jajis 2:19 ပူးပေါင်းရင်းမြစ်များ

Jajis 8:33

Ke leghugna te lehe Gidion na, naiknodi Israel igre ne figri tagruni God. Mare jateula gaꞌase te tei leghuni nalhaꞌu te theome khetogna naꞌa na neu ne leghuni god te chaichaghi na. Mare ne fakegra haghe mumujugna Baal ne tarai ka Baal-Beri nodi god mare.

Jajis 4:1

Ke leghugna tela lehehi Ehud igne, naiknodi Israel igre neke edi kmana puhi te diꞌa ka tathagna Lord.

Matiu 23:32

Eghume ghotilo edi fabrahu ngala unha teke edi mae ku'emi tifa ra!

Profet Jeremaea 23:17

Mae igre cheke famaemahe eghu koba ka iheire te tirodi ghau iara re, ‘Ghotilo ginauna au ka pharikeli.’ Eghuteuna iheire te maku jateula thina teu phaꞌudire igre, mare leghuni kolho nodi gaoghatho thedi re cheke eghu, ‘Theo kaisei puhi biꞌo nate thoke ghita tahati na.’ ”

Profet Jeremaea 16:12

Nu ghotilo thofno salaꞌudi fara kuꞌemi tifa ra kate edi ghotilo thua nafnata puhi te diꞌare. Ghotilo te gnafa na kafe maku fara nagnafamire, eghuteuna puhimi ghotilore thofno diꞌa fara salaꞌui, eghuteuna theome leghu ghau iara.

Profet Jeremaea 3:17

Ka narane igne naiknore ginauna kiloni namono biꞌo Jerusalem, nogna sape nafnakno Lord aheva nate gnokro mana jateula mae king. Eghuteuna naikno te gnafa ka nauthoglu igne ginauna salo fodu mei ka namono Jerusalem mala cheke fakelini nogu nafnakno iara Lord. Uve, naiknore ginauna theome maku jateula thina eghu nagnafadire mala eni fabrahu puhi te diꞌa na.

Nodi Khoje Hatimare Mae Jiu 78:8

Ka puhi igne mare ginauna na theome jateula mae kmadi tifara eghu, eigna mare neke huhughuni God, nei tirodini mana neku. Hatimare neke tirodi ghatho tahuni God, nei mare neke jaola neke tirodi fatutuani ni God.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Jajis 2:7

Josua thugna Nun, mana kaisei nogna mae gloku Lord eghuteuna mana thokei kaisei gobi nabotho finogha neke lehe nga. Mare giugiluni mana ka nogna vido glose thegna na Timnat-Heres jare Efrem ke raru thogele Gas. Ka narane karha nga teku Josua igre, naiknodi Israel igre neke ghatho tahuni Lord. Eghuteuna mare jaola neke thofno leghuni Lord kani au teku goro mae biꞌo igre balugna Josua neke filodi glepo biꞌo teke edi Lord ranghidi naiknodi Israel.

Josua 24:31

Kate karha teu Josua na, vikegna Israel na neke leghuni kolho Lord. Eghuteuna ke leghugna te lehehi mana na, naiknodi Israel igre ne leghuni fabrahu Lord ghilei posani naranedi mae iheire teke baubatu nei loku teku balugna mae Josua teke ghilei lehe igre. Naugna naikno igre neke filodi thedi gloku biꞌo te edi Lord ranghini Israel.

Jenesis 6:11

Ka narane tuare, God ne filodi naiknore ne kafe diꞌa fara naugna mare ne khuru magra nei faꞌau aknu fari thedi heva heva. Kaisei mae Noa ngala te doglo fara ka tathagna God na.

Diutronomi 31:29

Iara laseni ke leghugna te lehe iara na, ghotilo ginauna na thofno diꞌa fara, eghuteuna ghotilo ginauna figri tagrudi glepo te farirhiu ghami iara igre. Eghume ka narane nate mei are puhi biꞌo ginauna thoke ghami ghotilo, naugna ghotilo ne edi glepo te diꞌa te diꞌatagnadi fara Lord re.”

Jajis 2:18

Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Jajis 2:20

Aonu Lord ne diꞌatagna fara ka mare ne cheke eghu, “Naiknodi Israel igre huhughuni nhaꞌa cheke teke chekeni iara ka kuꞌedi mare tifa mala tathaji mare teku ia. Naugna te theome leghu ghau iara mare na,

Profet Esikiel 20:30

“Naugna igne, iagho mala cheke ka naiknodi Israel ra, iara Lord God te chekeni igne: ‘Naugna unha si ghotilo te leghudi puhidi kuꞌemi tifa ra te fathona ghami themi ka tathagu iara na gnea? Naugna unha si ghotilo te leghudi fabrahu mumuju te diꞌa igrea?

Eksodas 32:7

Lord ne cheke eghu ka Moses, “Iagho faghosei sukha, naugna gognarona, nou naikno iagho teke atha teke jifla iagho Ijep ra, la diꞌa fara.

Jajis 10:13

Nu neuba, ghotilo tei koko ghau iara eghuteuna ghotilo tarai ka keha god delei. Ginauna iara na theome tangomana nate fakarhi ghami ghotilo na.

Nehemaea 9:28

Kate au ka pharikeli na, mare ke funu edi puhi te diꞌa re, eghuteuna iagho snakredi mae naokare mala uludi nei funei frunidi eghu mare. Eghuteuna leuleghu fata na mare tanhi ari ka iagho, eghuteuna iagho nomhidi mare kligna. Naugna iagho kokhoni noudi fara mare, leuleghu fata na iagho fakarhidi ka nodi nolaghi mae naoka.