Jajis 2:18 - Buka Blahi Ka Cheke Holo

¹⁸ Leuleghu fata na, Lord vahini kaisei mae lida mala toghodi mare. Leghu fata na mae lida igne batudi naiknodi Israel igre, Lord fakarhidi mare ka khamedi mae naoka te mei goigonidi mare re. Lord theome gnafa te fakarhidi re, naugna mana ne kokhoni nognadi fara.

Jajis 2:18 ပူးပေါင်းရင်းမြစ်များ

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Diutronomi 32:36

“Kate filoni Lord te glaꞌe soru nogna naiknore, eghuteuna phei ba thiloi kolho ka ghotilo te au na, mana ginauna chekeni te ghotilo theome nabami te au papara na. Eghuteuna mana ginauna keli ka ghotilo nogna mae glokure.

Eksodas 2:24

God nomhidi nodi tharai mare igre, eghuteuna mana filoni te au diꞌanagnafa fara mare na. Aonu mana ghathoni u nhaꞌa cheke teke eni mana ka mae Ebraham, ka mae Isak nei ka mae Jekop.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Fapea Kings 13:4

Aonu King Jehoahas ne tarai ka Lord mala toghodi nogna naiknore, eghuteuna Lord ne nomhini nogna tharai mana na, naugna mana ne filo glanini king gna Siria te thofno goigonidi naiknodi Israel igre, ne cheke tughuni nogna tharai mana na.

Jajis 10:16

Aonu mare ne lisei fadelei god teke tarai mare tadire ne loku ranghini Lord. Eghuteuna Lord ne kokhoni nognadi naiknodi Israel naugna mare ne au papara fara.

Jenesis 6:6

Lord ne diꞌanagnafa fara, ne cheke eghu, “Iara ginauna faluvu fahuidi naikno teke vuavuha iara ka nauthoglu igne. Iara jame neke theome vuavuhadi naikno igre ka nauthoglu igne! Eghuteuna iara ginauna na jaola faluvu fahuidi nanghaji ba bosu ba saba teu ka namhata igre. Iara diꞌanagnafagu fara naugna iara ngala teke vuavuhadi re glepo igre.”

Eksodas 3:12

Aonu God ne cheke eghu, “Thosei mhaghu. Iara ginauna au balumu iagho. Eghuteuna fagaglana te mala laseni iara te kuru nigho iagho igne: kate batudi iagho naiknore te jifla Ijep na, iagho ginauna mei ka thogele igne mala pogho soru ghau iara.”

Profet Jona 3:10

God filoni te tughu nakarha naiknore. Aonu mana kokhonidi naiknore ne theome paradi leghuni unha teke chekeni mana tifa na.

Nodi Khoje Hatimare Mae Jiu 90:13

Lord God, niha fata diꞌatamu ka ghehati sagho ia? Kokhoni mei ghami ghehati sagho eigna ghehati gne nou naikno gloku iagho.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Naba 10:9

Kate tei ghotilo te magradi nomi mae naoka te magnahaghei goigoni ghami ghotilo are, ghotilo ginauna ifu faghose thilo fata. Eghuteuna kate nomhini iara Lord nomi God ghotilo gne, iara ginauna togho ghami, nei fakarha ghami ka nomi mae naoka ghotilo are.

Jajis 2:19

Nu kate lehe mae lida na, mare te gnafa na ke puloi ngala ke leghudi puhi te diꞌare. Eghuteuna mare edi fabrahu glepo te thono diꞌa fara salaꞌudi puhidi kmadi tifa ra. Mare leghudi nei tarai eghu ka keha god delei. Eghuteuna leghu fata kolho, mare patugama fabrahu nei theome tangomana te lisa kokodi puhi te diꞌa re.

Eksodas 32:14

Aonu, Lord ne tughu nagnafagna na ne theome eni kaisei puhi biꞌo te mala goigonidi nogna naiknore, jateula teke chekeni mana ululahu tifa ia eghu.

Jajis 3:9

Nu naiknodi Israel igre ne tanhi lao ka Lord mala toghodi, eghuteuna mana ne vahini Otniel thugna Kenas tahigna Kelab.

Jajis 6:12

Nogna Engel Lord igne ne thakle ka mae Gidion ne cheke eghu ka mana, “Gognarona Lord au balumu iagho eghuteuna iagho kaisei mae nheta mala magra!”

Jajis 6:16

Nu Lord ne cheke eghu ka mana, “Iara ginauna tei balumu iagho. Eghume iagho tangomana naugna iara ginauna togho nigho iagho mala aknu falehedi vikegna Midian jateula iagho te aknu faleheni kaisei mae ra eghu kolho.”

Jajis 11:32

Aonu Jefta batuni nogna armi na ne tei ka vikegna Amon mala magradi mare. Eghuteuna Lord toghoni Jefta ne uluni mare magra igne.