Jajis 2:14 - Buka Blahi Ka Cheke Holo

¹⁴ Diꞌatagna Lord na ne thono brana fara ka mare ne snakre laodi ka khamedi nodi naoka te au faligohodi mare. Eghuteuna nodi naoka mare igre raꞌe ne nheta fara, eghuteuna naiknodi Israel igre ne theome tangomana te reireghidi thedire. Eghuteuna naoka igre blau koba nodi gobigna lepo re.

Jajis 2:14 ပူးပေါင်းရင်းမြစ်များ

Fapea Kings 17:20

Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Jajis 10:7

Aonu Lord ne diꞌatagna fara ka naiknodi Israel ne lisa lao ka vikegna Filistia ke mosu nei vikegna Amon ke maghati mala mei magra ka mare.

Jajis 4:2

Eghume, Lord ne snakreni Jabin king gna Kenan mala funei frunidi naiknodi Israel. Nogna namono mana na Haso, eghuteuna nanghagna nodi lida nogna soldia mana re Sisera. Lida igne mei funugna namono Haroset-Ha-Goeim.

Fapea Kronikols 36:16

Nu mare maꞌedi mae profet igre, eghuteuna mare theome magnahaghedi nodi cheke mare re. Mare cheke faparidi mae profet igre, eghuteuna Lord ne ghilei diꞌatagna fara ka mare mala theo kaisei nabrou te mala fakarhidi mare na.

Profet Jeremaea 37:10

Neuba ghotilo ne uluni armi gna Babilonia te mei magra ka ghotilo igne, keha mae te fnera ka mare thuru karha neu ka nodi suga tapualere igre ginauna kegra haghe mei gnubra namono igne baludi gobigna lepo te au ke lamnagna.”

Profet Isaia 50:1

Lord ne cheke eghu, “Ghotilo naiknomi Israel. Ba, ne tei koko ghamihi iara jateula mae ihei te tei kokoni khetogna na ia neu jau si ghotilo? Aheva gneu pepa te mala koko gaꞌase na? Ba, ne foli ghamihi iara ka naiknodi keha kantri are mala falehe kaoni mala naikno sneka eghu? Theo. Mare neke atha ghami ghotilo neke tei ka keha kantri delei naugna ghotilo ne edi kmana nakhibo fara. Eghuteuna iara theome magnahaghei ghami ghotilo naugna puhimi ghotilore thono diꞌa fara.

Nodi Khoje Hatimare Mae Jiu 44:12

Iagho neke foli nou naikno themu gre ka sileni ikoi jateula chara eghu kolho.

Fapea Kronikols 15:5

Tifa ka narane tuare, theome keli te tei ka keha vidore, naugna kmana thua nafnata hoholo au ka vido te gnafa re.

Jajis 1:34

Nu naiknodi Kenan ka vikegna Amoa igne huhuruni vikegna Dan mala au holo ka thogelero eghuteuna theome snakredi mare mala ke soru ka nodi glogure.

Diutronomi 28:58

“Nanghagna Lord nomi God ghotilo na thono haghe fara, eghuteuna ghotilo mala ghatho tahuni mana. Eghume jame te theome ghatho tahuni nei theome leghudi teu ghotilo nogna cheke mana tela riorisohi iara ka Buka gna vetula na igre,

Diutronomi 28:25

“Lord ginauna toghodi mae naoka re mala ulu ghami ghotilo. Neuba ghotilo ne mei fodu ne kaisei mala magridi mare, ghotilo ginauna rikha ka soasopai nabrou. Eghuteuna naikno ka nauthoglu igne ginauna ghatho ghami ghotilo na kaisei glepo diꞌa kolho.

Diutronomi 28:20

“Kate figri tagruni ghotilo Lord, te leghuni ghotilo puhi te diꞌa na, mana ginauna tusu ari puhi biꞌo mala thokedi gobigna lepo te edi ghotilo are. Mana ginauna tei koko ghami ghotilo, eghuteuna ghotilo ginauna mhaghu nomi na theome tangomana te laseni unha nate eni na, ghilei goigoni ghami fabrahu ghotilo.

Naba 32:14

“Nu ghotilo gne, jateula te magnahaghei edi ngala puhi te diꞌa teke edi mae kmami ghotilo tifara. Eghuteuna ghotilo gne magnahaghei te mala diꞌatagna fara Lord ka tahati!

Levitikas 26:28

iara ginauna diꞌatagu fara nei theome keli ranghi ghami eghu ghotilo. Eghuteuna iara thegu ginauna thofno para ghami ghotilo fabrahu.

Jajis 2:20

Aonu Lord ne diꞌatagna fara ka mare ne cheke eghu, “Naiknodi Israel igre huhughuni nhaꞌa cheke teke chekeni iara ka kuꞌedi mare tifa mala tathaji mare teku ia. Naugna te theome leghu ghau iara mare na,

Jajis 3:12

Ke leghu, naiknodi Israel igre neke eni fapulo puhi te diꞌa na ka tathagna Lord. Aonu Lord ne tusu lao narheta ka Eglon king gna Moab mala uludi naiknodi Israel.

Fapea Samuel 7:11

Ka narane teke vavahi funei ranghidi iara naiknodi Israel ra. Iara vahi nigho iagho mala au kmu, naugna iara la uludihi nou naoka iagho ra. “ ‘Iara Lord nhaꞌa cheke ka iagho. Kaisei mae ka vikemu iagho ginauna king.

Fapea Kings 13:3

Aonu Lord ne diꞌatagna ka naiknodi Israel igre, kmana finogha mana neke snakredi mala au ke parigna nogna nolaghi King Hasael gna Siria ghe Ben-Hadad mae thugna na.

Nehemaea 9:27

Eghume naudi puhi igre, iagho neke snakredi mae naokare neke mei uludi nei paradi neku mare. Kate thoke mei puhi biꞌo igre ka mare na, mare neke tanhi ka iagho, eghuteuna iagho au neku kligna neke nomhidi nei toghodi neku mare. Naugna iagho neke kokhonidi fara mare neke kurudi keha mae lida mala fakarhidi ka nodi nolaghi mae naoka.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Naba 32:13

Lord ne diꞌatagna fara ka naiknodi Israel ne fanolo tafridi mare ka namono nagou na nabagna phiatutu finogha ghilei lehe thudi, nei gradi teu mae iheire teke edi puhi te diꞌa tifara.

Josua 23:16

Lord na noda God tahati. Jame te huhughuni ghotilo nogna nhaꞌa cheke mana teke eni baluda tahati ia, eghuteuna jame te tei ghotilo te pogho soru ka keha god delei na, mana ginauna diꞌatagna fara ka ghotilo eghuteuna ginauna thofno para ghami ghotilo. Eghuteuna jame te eghu ghotilo na, theo kaisei ka ghotilo nate au ka famane glose teke tusu ari mana ka ghotilo ana.”

Fapea Samuel 24:1

Lord ne diꞌatagna ka naiknodi Israel. Aonu mana ne tusu lao gaoghatho ka mae Devet mala eꞌei puhi biꞌo ka mare. Lord ne cheke eghu ka mae Devet, “Iagho tei kaha naiknodi Israel ghe Juda.”

Fapea Kronikols 28:5

King Ehas edi kmana puhi te diꞌa, eghuteuna naiknodi Juda igre jaola figri tagruni Lord nodi God kuꞌedi tifa ra. Aonu God ne kuruni king gna Siria balugna nogna armi na mei magra ne uluni King Ehas balu nogna soldia. Eghuteuna mare hata kmana naiknodi Juda ne tei sosolo Damaskas. Eghuteuna ke leghu, Lord ne kuruni Peka king gna Israel thugna Remalaea. Nogna armi King Peka igne ne aknu falehe kaisei gobi varadaki thogha famane soldia di Juda ka kaisei narane kolho.

Nodi Khoje Hatimare Mae Jiu 44:11

Iagho snakredi mare mala falehe ghami jateula sipu eghu, mala tei au tafri ghehati ka keha kantri delei.

Profet Isaia 42:24

Ba, ihei teke snakredi mae naoka igre te mei goigoni ni Israel nei blau nomi gobigna lepo ghotilo re teku ra? Lord thegna ngala teke snakre meidi re, naugna tahati neke theome leghudi puhigna nei nogna vetula teu mana re.