Jajis 2:11 - Buka Blahi Ka Cheke Holo

¹¹ Ka narane tuare, naiknodi Israel igre ne funu edi puhi te diꞌa ka tathagna Lord nei tarai ka god chaghi Baal.

Jajis 2:11 ပူးပေါင်းရင်းမြစ်များ

Jajis 10:6

Eghuteuna theome raugha ke leghudi igre, naiknodi Israel igre ne funu huhughuni Lord ne tarai ka mumujudi Baal ghe Astarot. Mare jaola tarai ka nodi god naiknodi Siria, nei nodi god naiknodi Saedon, nei nodi god naiknodi Moab, nei nodi god naiknodi Amon, nei nodi god naiknodi Filistia.

Jajis 6:1

Naiknodi Israel igre neke huhughuni Lord, aonu Lord snakredi naiknodi Midian neke funei frunidi nabagna fitu finogha.

Jajis 4:1

Ke leghugna tela lehehi Ehud igne, naiknodi Israel igre neke edi kmana puhi te diꞌa ka tathagna Lord.

Jajis 3:7

Naiknodi Israel ne eni puhi te diꞌa na ka tathagna Lord nodi God mare na. Mare ne loku ranghini mumuju god Baal ghe Astarot.

Jajis 8:33

Ke leghugna te lehe Gidion na, naiknodi Israel igre ne figri tagruni God. Mare jateula gaꞌase te tei leghuni nalhaꞌu te theome khetogna naꞌa na neu ne leghuni god te chaichaghi na. Mare ne fakegra haghe mumujugna Baal ne tarai ka Baal-Beri nodi god mare.

Ululahu Kings 18:18

Nu mae Elija ne cheke eghu ka mana, “Theo! Iara theome mae mala ei puhi biꞌo agne Israel. Iagho! Iagho baludi tharaknagna mae kmamu ra! Naugna ghotilo ne tiromi leghuni chekegna Lord na, eghuteuna ghotilo tarai ka mumuju god Baal.

Jajis 13:1

Ke leghu naiknodi Israel igre ne edi unha te theome keli ka tathagna Lord. Aonu Lord ne snakredi mare mala au ke parigna nodi nolaghi vikegna Filistia nabagna phiatutu finogha.

Profet Jeremaea 9:14

Mare patu gama fara, ne fanomho ka nodi fari rhiu mae kuꞌedi tifa ra ne leghuni Baal.

Profet Jeremaea 2:23

Lord ne cheke eghu, “Naugna unha si ghotilo te chekeni koba ne theome tarai ka god Baal teu gnea? Ghaoghatho fakeli si ghotilo eidi glepo te diꞌa te edi ghotilo jare ka gloha Hinom! Ghotilo jateula kamel gaꞌasegna te hiro kamel nalhaꞌugna teu te tei tafri te theome au snoto ra eghu puhimire.

Esra 8:12

Ka vikegna Asgad: Johanan, thugna Hakatan, balugna kaisei gobi nabotho mae.

Fapea Kronikols 33:6

Mana gahu thugna thegna na ka glogu Ben-Hinom mala fafara ka mumuju god. Mana loku ka kuro, pophoji, khoraphaꞌu, fafara mala laseni unha nate thakle mei, eghuteuna mana tei filodi iheire te tangomana te cheke ka tharungadi naikno tela lehehi ra. Mana edi kmana glepo te thono diꞌa fara ka tathagna Lord, eghume Lord na thono diꞌatagna fara ka unha te edi mana igre.

Fapea Kronikols 28:2

Mana leghudi puhidi king di Israel te diꞌa tifa ra. Mana horo mumuju gna god Baal ka gol.

Ululahu Samuel 7:4

Aonu mare ne koko mumuju gna Baal nei mumuju gna Astarot, eghuteuna mare ne funu tufru soruni Lord kolho.

Jajis 10:10

Aonu, mare tanhi ka Lord mala toghodi ne cheke eghu, “Lord God, iagho nomi God ghehati. Ghehati edi unha te thofno diꞌa fara ka tathamu iagho na kate tarai ghehati ka mumujugna Baal.”

Jajis 3:12

Ke leghu, naiknodi Israel igre neke eni fapulo puhi te diꞌa na ka tathagna Lord. Aonu Lord ne tusu lao narheta ka Eglon king gna Moab mala uludi naiknodi Israel.

Jenesis 38:7

Nu puhigna mae Er igne thofno diꞌa fara ka tathagna Lord na, aonu Lord ne fate faleheni mana.

Jenesis 13:13

Naiknodi Sodom gre thono gnognoro fara, eigna ne edi kmana nafnata nakhibo te theome doglo ka tathagna Lord na.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Jajis 6:25

Ka bongi tuana, Lord ne cheke eghu ka Gidion, “Iagho hata fapea nogna buluka nalhaꞌugna mae kmamu te fitu finoghagna igne. Eghuteuna iagho paꞌe soru olta te mala kilo fnaknoni Baal igne. Eghuteuna iagho kato soru khegra blahi te au rhegna nogna god gaꞌase Astarot.

Ululahu Kings 22:53

Mana loku ranghini nei tarai eghu ka Baal. Aonu Lord, nodi God maedi Israel igne ne thono diꞌatagna fara ka mana, jateula teke eni ka kmagna mana tifa ia neu.

Nehemaea 9:26

“Nu neuba ngau, mare figri tagru nigho nei theome leghu nigho, nei theome magnahaghedi nou vetulare. Mare falehedi nou mae profet, mae iheire te mala cheke ranghidi mala teke pulo mei mare ka iagho. Mare edi thua nafnata glepo te diꞌa mala goigoni nigho iagho.

Nodi Khoje Hatimare Mae Jiu 78:56

Neubane eghu ngau, mare heta ghedi te figri tagruni God mae ihei te thofno fnakno fara na. Uve, mare magnahaghei fara te fariuriuni mana na. Eghuteuna mare jaola theome tajini nogna vetula mana na.

Profet Jeremaea 11:10

Mare figri neke edi puhi teke edi mae kuꞌedi tifara ne tirodi fanomho ka nogu cheke iara re. Mare theome gnafa te tarai ka mumuju god na. Hatimare mae Israel tifara nei hatimare mae Juda gognarogre, mare kafe huhughuni u nhaꞌa cheke teke eni iara baludi mae kuꞌedi mare tifara.

Naba 25:3

Lord ne diꞌatagna fara ka mare naugna maedi Israel gre ne tei maimanihini god Baal.

Diutronomi 4:25

Neuba ghotilo ne au raugha ka glose igne ne au thumi nei grami neu, ghotilo jafra jame te sari mumuju ghotilo te tarai tagna na. Jame te eni ghotilo glepo te jafra nei theome doglo teu ka tathagna Lord igne na, mana ginauna diꞌatagna fara ka ghotilo.

Ululahu Samuel 7:3

Profet Samuel ne cheke eghu ka maedi Israel gre, “Jame te magnahaghei figri ghotilo gaoghathomi are teke pulo ka Lord na, ghotilo koko mumuju gna gaꞌase god Astarot baludi keha god are. Eghuteuna ghotilo lisa lao nakarhami fateote'o are ka Lord, eghuteuna ghotilo mala tufru soruni mana kolho. Jame te eghu ghotilo na, mana ginauna fakarhi ghami ghotilo ka nodi nolaghi naiknodi Filistia.”

Ululahu Samuel 12:10

Ka narane tuare kuꞌeda tahati tura neke tanhi ka Lord mala toghodi, mare neke tarai eghu, ‘Lord, ghehati la theome leghu nigho nei la tei koko nigho eghu! Eghuteuna ghehati tarai ka mumujudi phei god, Baal ghe Astarot. Lord, fakarhi ghami nei hata fajifla ghami eghu ka nodi nolaghi nomi naoka gre, mala ke tufru soru nigho ghehati.’

Ululahu Kings 11:5

Mana ne pogho soruni god gaꞌase Astarot, nodi god naiknodi Saedon. Mana jaola pogho soruni Milkom. Nodi god naiknodi Amon igne thono diꞌa fara.

Fapea Kronikols 28:3

Eghuteuna mana gahu fafara mala tarai ka keha god delei ka glogu Ben-Hinom. Eghuteuna glepo te thono diꞌa fara te eni mana na, mana gahu ka khaꞌaghi mae thugna re mala fafara ka god igre. Ka puhi igre, mana thofno leghudi puhidi naiknodi tifa te diꞌa ra, naikno igre Lord neke khi fajifladi ka nodi vido glose naiknodi Israel.

Profet Jeremaea 2:20

Lord ne cheke eghu, “Funu tifa te mei na, iara neke tei koko ghami ghotilo, eigna nakarha te diꞌa te eni ghotilo igne jateula naikno sneka eghu. Nu ghotilo tiromi te loku ranghi ghau iara na. Ghotilo tei koko ghauhi iara, eghuteuna gognarona ghotilo tarai tafri kolho ka keha god te chaichaghi igre ke kligna thogele nei ke pari gaju. Ghotilo jateula gaꞌase vine te tei kokoni khetogna na ia eghu.

Profet Jeremaea 16:11

Aonu iagho ginauna na cheke eghu ka mare, ‘Lord na neke cheke eghu: Kuꞌemi ghotilo tifa ra, mare neke figri tagru ghau iara, eghuteuna mare neke leghudi god te chaichaghi re neke pogho soru tadi. Uve, mare neke figri tagru ghau iara neke tirodi leghuni chekegu iara na.

Profet Jeremaea 32:23

Vikemi ghehatire mei neke au ka glose igne, nu mare neke theome leghudi nou farirhiu iaghore neke theome edi unha teke chekedi iaghore. Eghuteuna iagho neke snakre mei puhi biꞌo mala thokedi mare.