Jajis 19:16 - Buka Blahi Ka Cheke Holo

¹⁶ Kate gnokro teu retilo jare na, kaisei mae khuekuꞌe gna vikegna Efrem neke mei funugna ka nagare ro. Mae khuekuꞌe igne mei funugna ka thogele ka nohi vikegna Efrem mei au neu Gibea. Nu naikno te gnafa gna namono igne neke mei funudi ka vikegna mae Benjamin.

Jajis 19:16 ပူးပေါင်းရင်းမြစ်များ

Nodi Khoje Hatimare Mae Jiu 104:23

Naiknore tei edi nodi glokure ghilei rafi.

Jajis 19:1

Kani theo nodi king teku naiknodi Israel igre, kaisei mae ka vikegna Livae au mata ka thogele ka nogna glose Efrem. Kaisei narane mana hata kaisei fapea khetogna Betlehem jare Juda.

Fapea Tesalonika 3:10

Kate au balumi ghotilo ia, ghehati neke cheke eghu ka ghotilo, “Jame ihei te tirogna loku na, ghotilo thosei faghamuni.”

Efesus 4:28

Mae ihei te blau koba na, lilisei nafnata puhi tuana mala ke funu loku fakeli. Te keli na mana loku heta mala tangomana te toghoni thegna ka puhi te keli nei tangomana te toghodi iheire te kuma.

Eklesiasti 5:12

Mae gloku te loku heta fabrahu na, glahu mana ghamu katha ikoi kolho, ba mana ghamu ghilei boho fara, nu mana tangomana te thuru fakeli bongiro na. Nu mae te dedei na theome thuru fakeli bongiro na, naugna mana ne nangadi fara nogna gobigna lepore.

Eklesiasti 1:13

Iara magnahaghei fara te lasedi unha teke edi naiknore ka nauthoglu igne. Eghuteuna unha teke filoni iara na, nakarha teke tusu mei God ka tahati igne thono tahu fara.

Proveb 24:27

Ulu lahu na iagho fadoglini nou glose na mala tobi nagare, eghuteuna ke leghu na iagho horo suga.

Proveb 14:23

Te loku heta iagho na, iagho ginauna hata glepo te keli. Nu te cheke kolho iagho na, iagho ginauna kuma.

Proveb 13:11

Sileni te fiti hata te theome kmusa tagna, ginauna ghosei tei dofini. Nu sileni te hata mana ka nogna nakmusa thegna na, ginauna kotu biꞌo.

Nodi Khoje Hatimare Mae Jiu 128:2

Jame te eni fabrahu iagho igne na, ginauna nou gloku iagho re na tangomana te togho nigho te mala au fakeli na.

Jajis 19:14

Mare tei ne namo ka namono Gibea, kaisei nodi namono vikegna Benjamin. Eghuteuna naprai na pluluhi.

Jajis 19:15

Aonu retilo tei ka namono igne ne hiro vido mala thuru. Retilo tei gnokro neu ka glalaba na, nu theo kaisei naikno te mei te hatadi te tei ka sugagna na.

Jajis 19:17

Kate filodi retilo igre te gnokro teu ka glalaba na, mana filo glanidi retilo igre naikno phosa. Aonu mana mei ne ghusna eghu, “Ghotilo neke mei funumi aheva? Ghotilo ginauna tei aheva?”

Profet Hosia 9:9

Ghotilo edi kmana nafnata puhi te diꞌa igre. Eghuteuna puhimi ghotilore jateula puhidi mae kuꞌemi tifa ka namono Gibea ra eghu. Nu Lord na theome ghatho ihodi puhimi ghotilo te diꞌare. Naugna igne, mana ginauna para ghami ghotilo.